Psalms 51:6 - Bible Ni Thothup

⁶ Tafinay nib yul’yul’ e ir e ga ba’adag; mu suguy lanin’ug ko gonop rom.

Psalms 51:6 Σταυροειδείς Αναφορές

2 Samuel 12:13

Me ga’ar David, “Kug ngongliy e denen nib togopluw ngak SOMOL.” Me fulweg Nathan ni ga’ar, “I SOMOL e ke n’ag fan e denen rom; ma dab ku mum’.

2 Kings 20:3

“SOMOL, nge par u wun’um, ni rogon ni ug pigpig ngom e rib fel’ rogon ma rigub yul’yul’ ngay ma gubin ngiyal’ ma gu be guy rogon ni nggu rin’ e tin gab adag ni nggu rin’.” Me tabab ko meyor nib gel.

1 Kronicles 29:17

Gu manang ni ga ma changar nga gumircha’en gubin e girdi’ ma bfel’ u wun’um e girdi’ ni bfel’ laniyan’. Gu be pi’ gubin e pin’ey ngom nrib fel’ lanin’ug ma kug guy rogon e girdi’ rom ni kar mu’ulunggad e ngaray nib felfelan’rad ngay ni ngar pi’ed e pi maligach rorad ney ngom.

BABYOR NI JOB 32:8

Machane kan nthothup rok Got ni Gubin ma Rayag Rok e ma yib ngodad nge pi’ e gonop ngodad.

BABYOR NI JOB 38:36

Mini’ e ma yog ngak e arche’ ni ibis e ngiyal’ ni nge sugubur e lul’ ni Nile, ara mini’ e ma yog ngak e nimen ni dirra’ ni bayi aw e n’uw.

Psalms 125:4

SOMOL, mu gol ngak e pi’in yad bfel’, ni pi’in yad be fol ko tin kamog ni ngan rin’.

Psalms 15:2

Pi’in yad ma folwok rok Got u fithik’ urngin ban’en, ma gubin ngiyal’ ni yad ma rin’ e tin ni bfel’, ma thin ni yul’yul’ e yad ma yog,

Psalms 26:2

SOMOL, mu fal’eg i yaliyeg mag sikeng nigeg; mu pufthinnag e pi ar ar rog nge pi leam rog.

Psalms 32:5

Ma aram mu gu weliy e denen rog ngom; da gu mithag rom e tin kireb ni ku gu rin’. Gu turguy u wun’ug ni nggu weliy e pi denen rog ngom, ma ga n’ag fan urngin e kireb rog.

Psalms 41:5

Pi to’ogor rog e yad be yogneg nga kireb. Yad ba’adag ni nggum ngan pagtalig.

Psalms 5:9

N’en ni be yog e pi to’ogor rog e dabyag i pagan’uy ngay; kemus ni ban’en ni ngan gathay e yad ba’adag. Bfel’ nifngin e thin rorad ma ba sumnguy, machane basug ko yub.

Proverbs 2:21

Girdi’ nib mat’aw ni girdi’ ni dariy thibngin e yad ra par u lan e re nam rodad ney.

Proverbs 2:6

I SOMOL e ma pi’ e gonop; ma ir e mayib e llowan’ rok nge tamilangan’.

Jeremiah 12:1

“SOMOL, fa’an gu ra tugthinnag e re pa’ i oloboch rog ney ngom, mra m’ug ni gur e ba sorom. Chiney e thingar gu fith ngom murung’agen e tin nib mat’aw. Mangfan ni pi’in kireb e ba yo’or ban’en rorad? Mangfan ni pi’in nde yul’yul’ e yad ba fla’ab?

Jeremiah 31:33

Ra taw ko ngiyal’nem, ma ba’aray e bin be’ech e m’ag ni bay gu ngongliy u thilmad e girdi’ nu Israel: bay gu tay e motochiyel rog nga lanin’rad mu gu yoloy ngalan ngorongorrad. Bay gu mang Got rorad, ma bay ra manged girdi’ rog.

Jeremiah 32:40

Bay gu ngongliy ba m’ag ni dariy n’umngin nap’an u thilmad. Dariy bingyal’ ni gu ra tal i ngongliy e tin fel’ ni fan ngorad, ma bay gu gagiyeg nagrad nge yib madgug u polo’ i lanin’rad, ya nge dakuriy liben miyad pi’ keru’rad ngog.

Jeremiah 5:3

Ba muduwgil nra changarnag SOMOL e yul’yul’. Be toymed, machane damur motoyilgad; ke masengseng nagmed, machane dabmed ni ngam folgad. Gimed ba gelan’ ndamur paged e kireb romed.

Luke 11:39

Ma aram me ga’ar Somol ngak, “Gimed e pi Farise e gimed ma maluknag e kap nge plet u wuru’, machane ke sugnag e yargel nge kireb lanin’med.

Roma 7:22

Lanin’ug e ri ba’adag fare motochiyel rok Got.

2 Korinth 1:12

Ba’aray e ren’en ni gamad ba felfelan’ ngay: lanin’mad e be micheg ngomad ni ngongol romad u roy u fayleng, ni ba ga’ nrogon e ngongol romad ngomed nrogon feni tamilang nge rogon feni yul’yul’ e thin romad ngomed, e Got e i gagiyegnag me ir e pi’ gelngimad nge yag, ma gathi yib ko gonop rok e girdi’.

James 4:8

Mu chugurgad ngak Got, me chugur ngomed. Pi tadenen, mmalukniged pa’med! Gimed e pi’in ni gimed be dake moding niged gimed, mu klinniged lanin’med!

1 Peter 3:4

Ya lanin’med e nge par nib pidorang, ni aram e pidorang ni dabi m’ay ni aram e leam nib sumunguy ma ba gapas, ni ir e ba ga’ fan u mit Got.

1 Samuel 16:7

Machane me ga’ar SOMOL ngak, “Dabi mit owchem nga n’umngin nge feni pichoay. Gathi ir e cha’ ni kug mel’eg, gag e dagur ma turguy ban’en nrogon nma turguy e girdi’ ban’en. Girdi’ e yad ma guy be’ u wuru’ i downgin, mi Gag e gu ma changar ko gum’ircha’.”