Psalms 51:4 - Bible Ni Thothup

⁴ Kug denen nib togopluw ngom, ni kemus ni gur e ba togopluw ngom, ma kug rin’ e tin nib kireb u wun’um. Ere mmat’aw ni ngam pufthin nigeg, bay mat’awum ni ngam turguy e gechig rog.

Psalms 51:4 Σταυροειδείς Αναφορές

Genesis 20:6

Me fulweg Got ngak u malik’ay ni ga’ar, “Arrogon, gumnang ni mu rin’ nib gapas lanin’um ngay; arfan nda gu pagem ngam denen nib togopluw ngog ma aram mug tem u orel ko re pin nir.

Genesis 38:7

Ngongolen Er e de mat’aw, ni de m’ag u wan’ SOMOL, ma aram me thang SOMOL e fan rok.

Genesis 39:9

Ba ga’ lungug u lan e re naun ney ni ta’reb rogog ngak, ma dariy ban’en nike tel ndawori pag fan ngog, kemus ni le’engin, ni gur, e dawori pag fam ngog. Ere uw rogon ni nggu ngongliy e binir e ngongol nib kireb nib denen nib togopluw ngak Got?”

Genesis 9:6

En nra thang e pogofan rok reb e girdi’ e ku bayi cheal be’ nge thang e pogofan rok. Ya girdi’ e ni ngongliy ni bod ya’an Got.

2 Kings 17:17

U ra pi’ed pifakrad ni pumo’on nge ppin ni bogi maligach ni mo’oruf ngak e pi got rok e pi’in ndar nanged SOMOL; mu’ur fithed laniyan’ e pi sathuw nge pi’in yad ma yog e n’en nra buch nga m’on, mar pi’ed yad ni polo’ ko tin kireb ni yad be ngongliy u p’eowchen SOMOL, ma aram e ri yad be pug e damumuw rok.

2 Kings 21:6

Me maligachnag be’ nib pagel ni fak nib maligach ni mo’oruf. Mi i un i yi’iynag e n’en ni bayi buch me un ko pig nge pi sathuw, tmanwol, nge pi tapong thagith. I denen nrib gel nib togopluw ngak SOMOL me pug e damumuw rok.

Psalms 50:4

Be pining e tharmiy nge fayleng ni ngar mangew mich ni yow be guy ni be pufthinnag e girdi’ rok.

Psalms 50:6

Tharmiy e be weliy feni bmat’aw Got, ya ir e ma pufthin.

Isaiah 43:25

“Machane Gag fare Got ni gu ma chuweg e denen romed, ma gu ma rin’ ni bochan e Gag e En ni Gag. Dab kug leamnag e denen romed.

Levitikus 5:19

Irera’ e maligach ni mathang malfith ni fan ko denen rok be’ nike rin’ nib togopluw ngak SOMOL.

Luke 15:21

Me ga’ar fachi cha’, ‘Chitamag, kug ngongliy e kireb nib togopluw ngak Got ma ba togopluw ngom. Dab kug bung ni nganog ni fakam gag.’

Luke 7:29

Ma urngin e girdi’ nge pi tamukun tax nra motoyilgad ngak; miyad nang ni tin nike yog Got ni ngan rin’ e bmat’aw, me tawfe nagrad John.

Acts 17:31

Ya ke turguy reb e rran ni ir e nge pufthinnag riy e fayleng ni polo’ nrogon nib mat’aw, ni nge rin’ u daken be’ nib mo’on ni ir e ke duwgiliy; nike dag e mich ko re bugithin ney ngak urngin e girdi’, ni fan e ke faseg e re mo’on nem ko yam’!”

Roma 2:5

Machane kam gelnag lanin’um kam par. Aram e fin ga be ga’nag e gechig rom ko Chirofen ni bayi m’ug e damumuw rok Got nge gechig nike turguy nib mat’aw.

Roma 3:4

Rib muduwgil ndanga’! I Got e dabisiy ni nge par nib yul’yul’, ni mus ni fa’anra yan i par ni urngin e girdi’ ma yad be lifith l’ugunrad. Ni bod rogon ni be ga’ar e babyor nib thothup: “Thangri yib i m’ug ni gab mat’aw ko ngiyal’ ni ga ra welthin; ma thingar mu gel ko ngiyal’ ni yira pufthinnigem riy.”

James 2:11

Ya ka fa’anem ni ga’ar, “Dab mu pirew be’ ni gathi mabgol rom,” e ki ga’ar, “Dab mu li’ be’ ngem’.” Yugu ra dawor mu pirew be’ ni gathi mabgol rom, ma kam th’ab e motochiyel ni fa’anra kam li’ be’ kem’.

James 2:9

Ma fa’anra dab um ta’reb rogonniged e girdi’ ni gubin u lanin’med ni bochan ya’arad nge rogon e mad ni ka ron’ed, ma ba kireb e romed, ni aram e kam denengad, ma aram e ke turguy fare Motochiyel e gechig romed nrogon be’ nike th’ab e motochiyel.

Revelation 16:5

Mu gu rung’ag fare engel ni ir e bmil fan e ran ngak ni ga’ar, “Gab mat’aw ko pi gechig ney ni kam pi’, i gur e En ni Gab Thothup, ni gur e ga bay e chiney me gur e um moy!

Revelation 19:11

Ma aram mu gguy e tharmiy nike mab, mu gguy ba os nib wechwech, ni en nike af nga daken e Yul’yul’ nge Riyul’ fithingan; nib mat’aw rogon e gechig nma pi’, ma bmat’aw rogon e mael nma tay.