Psalms 51:14 - Bible Ni Thothup

¹⁴ Got, ni gur e ta’ayuw rog, mu ayuweg e pogofan rog, mu gu weliy ngak e girdi’ fanam mat’aw.

Psalms 51:14 Σταυροειδείς Αναφορές

Genesis 42:22

Me ga’ar Ruben, “Gog ngomed faram ndab mu maad’adgad ngak, machane da mfolgad rog. Ere chiney e ka ni fulweg ngodad labgen e yam’ ni tay.”

Genesis 9:6

En nra thang e pogofan rok reb e girdi’ e ku bayi cheal be’ nge thang e pogofan rok. Ya girdi’ e ni ngongliy ni bod ya’an Got.

2 Samuel 12:9

Mangfan nda kum fol ko fapi motochiyel ni kug pi’ ni ngu’un fol riy? Mangfan ni kam rin’ e biney e kireb? Kam makathnag Uriah kan li’ ko mael; ni gur e mpag e pi Ammon ngar li’ed, nge mu’ ma ga fek le’engin ngam le’ay!

2 Samuel 21:1

Ngiyal’ nib pilung David me yib ba uyngol nib gel ni dalip e duw nap’an. Me fith David laniyan’ SOMOL riy, me ga’ar SOMOL, “I Saul nge chon e tabnaw rok e bbuch e rorad ko mthang pogofan; ke thang e fan rok e girdi’ nu Gibeon.” (

2 Samuel 3:28

Nap’an ni rung’ag David e n’en nike buch, me ga’ar, “I Somol e manang ni pi’in nib milfarad ngog nge gag e ri debuch e romad ko pogofan rok Abner ni kan thang.

Ezra 9:13

Machane nga tomuren urngin e n’en ke buch romad ni gechig ko denen nge kireb romad, ma gamad manang ni gur, ni Got romad, e ka mu gechig nagmad nib waer mirin nga rogon ni susuna nge aw ngomad, ma ka mu taymad ni kagmad bfos.

Nehemiah 9:33

Mmat’aw e tin mu rin’ ko gechig ni mpi’ ngomad; um par ni gab yul’yul’ ngomad, ni yug aram rogon ni gamad be denen.

Psalms 25:5

Mfil ngog ngu’ug par ni gu ba yal’uw ko thin rom; ya gur e Got rog, ni ga ma aywegeg. Pagan’ug ngom ni gubin ngiyal’.

Psalms 26:9

Dab mu unegeg ko pi tadenen ngam thang owchamad; mu teg u orel rok e pi’in tathang e pogofan —

Psalms 35:28

Ma aram e bay gu weliy murung’agen feni ri gab mat’aw, ma bay ug pining e sorok ngom ni n’umngin e rran.

Psalms 38:22

A Somol ni ta’ayuw rog, mu aywegeg e chiney!

Psalms 55:23

Machane, gur Got, e bay mon’ e pi’in tathang e fan nge pi’in sasaliyab nga low rorad ni dawor i yan baley ko yafos rorad. Me gag, e gur e bayi pagan’ug ngom.

Psalms 68:20

Got rodad e ba Got nma thapegey; ir e SOMOL, ni Somol rodad, nma lagdad ko yam’.

Psalms 88:1

SOMOL ni Got, ni ta’ayuw rog, gu be yor ngalang ni polo’ e rran, me nep’ mu gub nga p’eowchem.

Isaiah 12:2

Got e ta’ayuw rog; Bayi pagan’ug ngak ma dab ku gu tamdag. I SOMOL e pi’ gelingig; ya ir e ta’ayuw rog.

Isaiah 45:17

Machane SOMOL e ke chuweg yu Israel u pa’ e to’ogor rok, ma felfelan’ rok yu Israel nike gel e bayi par ni dariy n’umngin nap’an; ma girdi’ rok e dab kun darifan nagrad.’”

Ezekiel 33:8

Fa’an gu ra yog ni bay be’ nib kireb ni bay yim’, ma da mu ginaeng nge thilyeg pangin nge siyki yim’, ma fa’anra yim’ u fithik’ e denen rok, ma yam’ nike tay e gu ra tay ni gur e kireb rom.

Daniel 9:16

I gur e gab mat’aw, ere dab kum damumuw ngak yu Jerusalem, ya ir e binaw rom, ni fare burey rom nib thothup. Urngin e girdi’ ko pi nam ni yad ba chugur ngay e yad be changar nga but’ ngak yu Jerusalem nge ngak e girdi’ rom ni bochan e denen ni kug rin’ed nge pi kireb ni i ngongliy e pi chitamangimad.

Daniel 9:7

I gur SOMOL, e gubin ngiyal’ ni ga be par ni gab mat’aw, ma gamad gubin ni kafaram i yib ni ug ngongliyed e ngongol ni ngan tamra’ ngay, ni girdi’ ni i par u lan yu Judea ngu Jerusalem, nge urngin piyu Israel ni kam weregrad u lan e pi nam nib chugur nge tin nib mal’af ni bochan e da ur yul’yul’gad ngom.

Hosea 4:2

Girdi’ riy e yad ra micheg boch e thin ni yad ra rin’ ma darir ted nga tagil’; yad ma lifith l’ugunrad, ma yad ma thang e pogofan, ma yad ma moro’ro’, ma yad ma par e pi’in ni gathi mabgol rorad. Pi kireb ni yad be rin’ e be yo’or i yan, yugu yad be pu’og e racha’.

Habakkuk 3:18

ma kug ra par ni gub felfelan’ ni bochan e SOMOL ni Got e ir e be ayuwegneg.

Acts 18:6

Ma fa’anra togopluwgad ngak miyad yog e thin nib kireb ni murung’agen, me rurug e fiyath ko mad rok ni aram e ke togopluw ngorad ma be ga’ar ngorad, “Fa’an gimed ra malog, ma gimed e kireb romed! Me gag e dariy rogon ngog. Chiney i yan ngaram e bay gu wan ngak e pi’in gathi yad piyu Israel.”

Acts 20:26

Ere ri gu be yog ngomed e daba’: Fa’anra malog bigimed, me gag e dariy rogon ngog.

Roma 10:3

Ya dar nanged e re kanawo’ ni ir e ma mat’awnag Got e girdi’ riy ngak, ma kar guyed rogon ni ngar ngongliyed e birorad e kanawo’; ma aram e dar pi’ed yad ko birok’ Got e kanawo’ ni ir e ma mat’awnag Got e girdi’ riy ngak.