Psalms 50:1 - Bible Ni Thothup

¹ SOMOL ni fare Got ni Gubin ma Rayag Rok e be non; be pining e fayleng ni ga’ngin ni tabab ko ngek nge yan i mada’ ko ngal.

Psalms 50:1 Σταυροειδείς Αναφορές

Genesis 17:1

Nap’an ni mereb i ragay nge merab e duw yangren Abram, me yib i m’ug SOMOL ngak me ga’ar ngak, “I gag Got ni Gubin ma Rayag Rog. Mu par ni ga be fol rog u n’umngin nap’an e yafos rom ngam par ni dariy thibngim.

1 Kings 18:21

Me yan Elijah ngorad me ga’ar, “Uw n’umngin nap’an ni ngam pired mfin gimed duwgiliy lanin’med! Fa’anra SOMOL e ir Got, mi gimed fol rok; ma fa’anra Baal e ir e Got, mi gimed fol rok!” Me par e girdi’ nda rogned ta’ab bugithin.

1 Kronicles 15:17

Fa yuke girdi’ ko girdi’en e tang e ra mel’eged e pi pumo’on ni ba’aray ni nge musik ko cymbal: Heman nib mo’on ni fak Joel, nge reb e girdi’ rok ni Asaf nib mo’on ni fak Berekiah, nge Ethan nib mo’on ni fak Kushayah, ni be’ ko fare ke girdi’ rok Merari. Mu kun mel’eg e tin ba’aray e Levite ni ngar musikgad ko harp ni bin lang e ton: Zekariah, Jaaziel, Shemiramoth, Jehiel, Unni, Eliab, Maaseyah, nge Benayah. Mu kur mel’eged e tin ba’aray e Levite ni ngar musikgad ko harp ni bin but’ e ton: Mattithiah, Elifelehu, Mikneyah, nge Azaziah, nge fa gal matnag ko Tempel, Obed Edom nge Jeyel.

1 Kronicles 16:37

I David ni Pilung e tay Asaf nge boch piyu Levi ni yad e ke milfan rogon e liyor ni ngu’un tay ko gin bay fare Kahol ko M’ag riy. Yad e ngu’ur pigpiggad u rom ni gubin e rran.

1 Kronicles 25:2

Fa aningeg i pagel ni fal Asaf: Zakur, Josef, Nethaniah, nge Asharelah. Asaf e ir e nge pow’iyrad, ni ngar wereged e thin rok Got ko ngiyal’ nra yog e pilung.

1 Kronicles 25:6

Gubin e pi pagel ni fak ney e go’ yad ma musik ko cymbal nge harp ni ir ni chitamngrad e ma pow’iyrad, u yagagen e liyor u Tempel. Me Asaf, Jeduthun, nge Heman e yad bay u tan lungun e en pilung.

1 Kronicles 6:24

Tahath, Uriel, Uzziah, Shaul.

2 Kronicles 29:30

En ni pilung nge pi’in yad ma yog e thin ko fare nam e rogned ngak e pi Levite ni ngar tang niged SOMOL ni yad be yin’ tangin e sorok ni yoloy David nge Asaf ni profet. Ma aram me tang gubin e girdi’ nri yad ba felfelan’ ni karragbuggad nga but’ ni yad be liyor ngak.

Nehemiah 9:32

“Rib sorom, i gur Got ni Got romad! Ri ba ga’ madgum, ma rib gel gelngim! Ga be par nri gab yul’yul’ ko m’ag ni mu ngongliy u thilmed e girdi’ rom. Ngiyal’ ni gafgow nagmad e pi pilung nu Assyria ke mada’ ko chiney e ba gel e gafgow ni kug pired nga fithik’! Pi pilung romad, nge pi’in yad ma gafaliymad, nge pi prist nge pi profet romad, nge pi chitamangimad ni kakrom nge urngin e girdi’ romad nra gafgowgad. Mu leamnag gelngin e gafgow ni yib ngomad.

Nehemiah 9:6

Miyad meybil ni aray rogon, “Gur SOMOL, e kemus ni gur e SOMOL; gur e mu sunumiy lanelang nge pi t’uf ni bay u lanelang. Gur e mu sunumiy e but’ nge day nge urngin ban’en ni bay riy; me gur e mpi’ e yafos ko gubin ban’en; pi engel nu tharmiy e yad ma siro’ ngom ma yad ma liyor ngom.

Psalms 113:3

Ngan pining e sorok nga fithingan SOMOL ni mus ko ngek nge mada’ ko ngal!

Psalms 73:1

I Got e riyul’ nib gol ngak yu Israel, ni pi’in ni machalbog gumircha’rad!

Psalms 74:1

A Got, mangfan ni kam n’agmad ni aray rogon? Mog, yug ra um par ni gab damumuw ko girdi’ rom ni dariy n’umngin nap’an?

Psalms 75:1

A Got, gamad be pining e magaer ngom, gamad be og e magaer ngom! Gamad be weliy i yan feni sorom ma gamad be yog e pi maang’ang ni kam rin’.

Psalms 76:1

Got e go’ yim nang u Judah; ma yima mathangeluwolnag fithngan u Israel.

Psalms 77:1

Gu yor nib ga’ lamag ngak Got; gu yor nib ga’ lungug me rung’ag lamag.

Psalms 78:1

Mmotoyilgad, e girdi’ rog, ko machib rog, mi gimed tiyan’med ko n’en ni gu be yog.

Psalms 79:1

A Got, ke yib boch e nam ni mael ngak e nam rom. Kar ta’ay niged fare Tempel rom nib thothup ma kar paged yu Jerusalem nike mogothgoth.

Psalms 80:1

Gur fare tagafaliy e saf nu Israel, mmotoyil ngomad; mu rung’ag e meybil romad, gur e tagagiyeg romad. Kam par nga tagl’im ngalang ko kerubim

Psalms 81:1

Mu tolul niged e felfelan’ ngak Got nma n’ufegdad; mu tang niged e sorok ngak fare Got rok Jakob!

Psalms 82:1

Got ni par nga tagil’ u lan e mu’ulung ko girdi’en e tharmiy; me yog e n’en ke duwgiliy u langgin fare mu’ulung ko pi got ni ga’ar:

Psalms 83:1

A Got, dab mu par ni kam th’ab gulngam; yug dab mu par u lom, ni dabmog ban’en!

Isaiah 1:2

I SOMOL e ga’ar, “Fayleng nge lanelang, mu telmew ko n’en ni gu be yog i gag SOMOL! Fapi bitir ni ug chuguluyrad e kar togopluwgad ngog.

Isaiah 37:20

SOMOL, ni Got romad, mu aywegmad e chiney u pa’ yu Assyria, ya nge nang urngin e nam u fayleng ni kammus ni gur e Got.”

Isaiah 54:5

En ni sunumiyem e bayi bod be’ ni figirngim, fithingan e SOMOL ni Gubin ma Rayag Rok! Fare Got nib thothup nu Israel e bayi biyuliyem, ir e be gagiyegnag ga’ngin e fayleng!

Isaiah 9:6

Ka ni gargeleg bochi tir ngodad! Ka ni pi’ bochi pagel ngodad! Me ir e bayi mang pilung rodad. Ma bay nog fithingan ni “Tafonow nrib Manigil,” nge “Got ni Gubin ma Rayag Rok,” nge “Chitamangiy ni Manemus,” nge “Pilung ko Gapas.”

Jeremiah 10:6

SOMOL, dariy be’ ni bod gur; I gur e th’abi gel gelngim, ma fithingam e ba mathangeluwol ma ba gel gelngin.

Amos 3:8

Nap’an nra tolul ba layon, me mini’ e ra par ndabi rus? Ma nap’an nra welthin SOMOL ni Th’abi Tolang, me mini’ e rayag rok ni nge par ndabi weliy e thin rok?

Malaki 1:11

Girdi’ u gubin yang u fayleng e yad be liyor ngog. Gubin yang ni yad be urfiy e incense riy ngar pi’ed ngog ma yad be pi’ e tin ni bfel’ e maligach. Yad gubin ni yad be liyor ngog!

Matthew 25:32

ma urngin girdi’en e pi nam nu fayleng ni bay ni kunuyrad nga p’eowchen. Me ere weregrad ngar l’agruw ulunggad, ni bod rogon e en nma gafaliy e gamanman nma fek e saf nge chuwegrad u fithik’ e kaming:

Joshua 22:22

“En th’abi gel gelngin e Got! I ir fare SOMOL! En th’abi gel gelngin e Got! I ir fare SOMOL! Ir e manang ko mangfan ni kug rin’ed e ren’ey, ma kagmad ba’adag ni ngkum nanged! Fa’anra kug togopluwgad ndaki mich u wan’mad SOMOL, me ere mu thanged e pogofan romad!