Psalms 49:7 - Bible Ni Thothup

⁷ Dabyag rodad ni nge mang gadad e da biyuliyed gadad, dabiyag ni ngad pi’ed puluwon e pogofan rodad ngak Got,

Psalms 49:7 Σταυροειδείς Αναφορές

Ester 5:11

Me par ngi i ufan sorok nga feni fel’ rogon, nge feni yo’or e pagel ni fak, nge rogon nike tolangnag e en pilung ko liw rok, nge feni rib ga’ fan u fithik’ urngin e pi tolang u tan pa’ e en pilung.

Proverbs 18:11

Ma pi’in yo’or ban’en rorad e wun’rad e fel’ rogon rorad e ra yororiyrad ni bod ba yoror nib tolang ma ba gel u wuru’ bbinaw.

Jeremiah 9:22

Girdi’ nike yim’ e ke wagey u gubin yang ni bod t’ay e gamanman u daken e pi flang, ni bod e grain ni th’ab e pi’in nma th’ab ngar paged u but’, ni dariy be’ nra yib i kunuy. Irera’ e thin nike yog SOMOL ngog ni nggu weliy.”

Hosea 12:9

Machane Gag fare SOMOL ni Got romed ni gu pow’iymed nga wuru’ yu Egypt, e bay gu taymed ngkum pired u tent bayay, ni bod ni um pired fa ngiyal’ ni gub ngomed u lan e ted ni desert.

Matthew 16:26

Be mang e ra fel’ rogon be’ riy ni fa’anra yag ngak e re fayleng ney ni polo’, machane me thay e bin riyul’ e yafos u pa’? Bmuduwgil ndariy! Dariy ban’en nrayag ni nge pi’ be’ ngki sul e yafos rok ngak.

Matthew 20:28

ni bod e en ni Fak e Girdi’ nde yib ni ngan pigpig ngak, machane yib ni nge pigpig me pi’ e pogofan rok nge biyuliy bo’or e girdi’ ngay.”

Matthew 25:9

Me fulweg fa tinem e ppin ni yad ba gonop ngorad ni lungurad, ‘Ri dabiyag, ya dab da gaman gad riy. Mmarod nga kantin ngam chuw’iyed boch.’

Mark 8:37

Dariy ban’en nrayag ni nge pi’ be’ ngki sul e yafos rok ngak.

1 Timothy 2:6

ni ir e pi’ ir nge biyuliy urngin e girdi’ ngak Got. Ireram e mich riy ko re ngiyal’ i n’en ni turguy Got, ni ba’adag Got urngin e girdi’ ni ngar thapgad ngak,

1 Peter 1:18

Ya gimed manang e n’en ni kan pi’ nga puluwmed ni fan e ngan pithigmed u pangimed nib m’ayfan ni af ngomed rok pi chitamangimed ni kakrom. Gathi ban’en nrayag ni nge kireb, ni bod rogon e silber ara gol;