Psalms 46:8 - Bible Ni Thothup

⁸ Mired, ngam guyed e n’en ke rin’ SOMOL! Mu guyed e pin’en ni yira ngat ngay nike ngongliy u daken e fayleng!

Psalms 46:8 Σταυροειδείς Αναφορές

Psalms 146:5

Ba falan’ e pi’in bay e Got rok Jakob rorad ni be aywegrad, ma yad ma toer ngak SOMOL ni Got rorad,

Psalms 59:10

Got rog e gub t’uf rok ma bayib ngog; mra pageg ngguy e pi to’ogor rog ni kar mo’waergad.

Psalms 66:5

Mired ngam guyed e n’en ke rin’ Got; pi maang’ang nike ngongliy u fithik’ e girdi’.

Exodus 10:7

Me ga’ar fapi tolang ni bay u tan pa’ Farao ngak Farao, “Uw n’umngin nap’an ni nge par e re mo’on ney ngi i gafgow nagdad? Mu pagrad ngranod ngar meybilgad ngak SOMOL ni Got rorad. Damur guy nike kireb e nam nu Egypt?”

Exodus 12:30

Farao nge pi tolang ni bay u tan pa’ nge urngin piyu Egypt nra odgad e re nep’ i n’em, ma yibe yor ni ba ga’ lamey u Egypt, ya dariy reb e tabinaw ndawori yim’ reb e pagel riy.

Isaiah 24:1

I SOMOL e bayi kirebnag e fayleng nge par ni dakriy ban’en riy. Bayi lolopoy daken e fayleng me wagaynag e girdi’ riy.

Isaiah 61:4

Bay ra ubungyed bayay fapi binaw nike n’uw nap’an nike mogoth.

Isaiah 7:14

I SOMOL e bayi pi’ ba pow ngomed. Be’ ni bpin ni ka ba rugod nike diyen. Bayi gargel ni bochi pagel ma bayi tunguy fithingan ni Immanuel.

Isaiah 8:10

Mu tanom niged rogon ni ngam gelgad, machane dabi fel’. Mu feked gubin e tin gimed ba’adag! Machane rib m’ayfan, ya Got e bay romad.

Numbers 14:9

Dab mu togopluwgad ngak SOMOL, ma dab mu rusgad ngak e girdi’ ni be par u rom. Rib mom ni gadad ra gel ngorad. I SOMOL e ba’ rodad ma ke gel ngak e pi kan ni be yoror rorad; ere dab mu rusgad.”

Numbers 23:23

Dariy ba mmotokan ara bmit e pig, Nra yib angin ko nam nu Israel. Chiney e bayi yog e girdi’ murung’agen yu Israel ni bayi lungurad, ‘Mu sapgad ko tin nike rin’ Got!’

Deuteronomy 20:1

“Nap’an ni gimed ra yan ni mael ngak e pi to’ogor romed mi gimed guy e chariot nma girengiy e os, nge os, nge barba’ i salthaw ni yad bayo’or ngomed, ma dab mu rusgad ngorad. Ya SOMOL ni Got romed nike fekmed nga wuru’ yu Egypt e bay romed.

Joshua 11:20

Ke gelnag SOMOL lanin’rad ni ngar chamgad ngak piyu Israel, ya nge aw e gechig ngorad nge thirifrad u but’ ma yad gubin ni yira li’rad ngarm’ad ndab ni runguyrad. Irera’ rogon ni yog SOMOL ngak Moses.