Psalms 46:6 - Bible Ni Thothup

⁶ Ke m’age marus e pi nam, ma gil’ilungun e pi pilung e ke morur; me non Got ni be chob ndirra’, me ranran e fayleng.

Psalms 46:6 Σταυροειδείς Αναφορές

2 Kings 19:34

Bay gu yororiy e re binaw ney mu gu ayuweg u pa’ fare pilung nu Assyria, ni nggu rin’ ni bochan bugwag nge bochan e thin ni kug micheg ngak e tapigpig rog i David.’”

2 Kronicles 20:1

Me yan i bangiyal’ me yib e salthaw nu Moab ngu Ammon, nib mu’un boch e pi Meunite ngay ngarbad ni mael ngak yu Judah.

Psalms 125:1

Pi’in ma pagan’rad ngak SOMOL e yad bod fare burey ni Zion, ndariy liyben me rur, ma dabi mithmith bi’id.

Psalms 18:13

Ma aram me chob SOMOL ni dirra’ u lanelang; ma laman fa en Th’abi Tolang e nni rung’ag.

Psalms 68:33

ko en nma yan u lanelang, fare lanelang ni kakrom. Mmotoyilgad ngak ni be tolul nrib ga’ laman.

Psalms 68:8

me rur e fayleng, me map e n’uw u lang nga but’, ni bochan e wub rok Got nu Sinai, ni aram e wub ko fare Got nu Israel.

Psalms 97:5

Pi yochi burey e ranran ni bod e wax u p’eowchen SOMOL, u p’eowchen fare Somol ko fayleng ni polo’.

Isaiah 31:5

Rogon ba arche’ nike gapopow nga daken tafen ni be yoror rok pifak, e aram rogog I Gag fare SOMOL ni Gubin ma Rayag Rok ni bay gu yoror rok yu Jerusalem nggu n’ufeg.”

Isaiah 33:20

A mu sapgad nga Zion, ni fare binaw ni ud madnom niged riy e madnom ni fan ngak SOMOL. Mu sapgad nga Jerusalem, nib binaw nra ni par riy ma dabi buch ban’en rok be’! Bay i par ni bod ba tent ndabi rur, ni dabiyag ni nge puw e pin’en ni yuluy riy ma dabi math’ gafan.

Jeremiah 25:30

“Jeremiah, gur e thingar mu weliy gubin ban’en ni kugog. Ni ngar mog ko pi girdi’ ney ni nge lungum, ‘I SOMOL e bayi non nib ga’ laman u tharmiy ni bod e dirra’ ko yungin th’abi tolang u tharmiy. Bayi non nib almarin nib togopluw ko girdi’ rok; me tolul nib ga’ laman ni bod be’ ni be pirdi’iy e grape. Urngin e girdi’ nu fayleng ni yad ra rung’ag laman,

Ezekiel 48:35

N’umngin fa aningeg raba’ i rungrung u gubin e 10,080 e yard. Fithingan fare binaw e chiney i yan ngaram e ba’aray “I SOMOL E Bay U Roy!”

Joel 2:11

I SOMOL e bayi yog ngak e salthaw rok e tin ngar rin’ed ni bay yib laman ngorad ni bod lingan e dirra’. Ma pi’in yad be fol rok e yad bpire’ ma yad ba gel. Re rran rok SOMOL nem e rib gel feni kireb! Mini’ e ra magay riy ni kabfos?

Amos 1:2

Me ga’ar Amos, “I SOMOL e tolul u Burey ni Zion; be yib laman u Jerusalem ni bod lingan e dirra’. Nap’an ni yodorom me yim’ e pan nma kay e gamanman, ma pan nib galunglung ni bay u daken e Burey ni Karmel e pig nge mororoy.”

Amos 9:13

Be ga’ar SOMOL, “Bay reb e rran ni bay taw ngay ni bayi ilal e grain nib papey boch nga payngin ni yi be t’ar wom’ngin, ma grape e ra tugul nib papey boch nga payngin ni yibe ngongliy e wayin riy. Pi burey e bay i lul’ e wayin ni bfel’ lamen riy, me tharey e yochi burey.

Amos 9:5

I SOMOL ni Th’abi Tolang ma Gubin ma Rayag Rok e math ko fayleng, me durru’; ma urngin e girdi’ ni yad ma par u rom e yad ra yor. Ma fayleng ni polo’ e ra i puw ngalang me mul nga but’ ni bod e lul’ ni Nile.

Mikah 1:4

Ma bay i ranran e burey u tan e rifrif u ay ni bod e kindel u mit e nifiy; ni map’ ngalan e pi loway ni bod e ran ni be lul’ u daken e burey.

Nahum 1:5

Pi burey e durru’ u p’eowchen SOMOL; me ranran e yochi burey u p’eowchen. Fayleng e rur u nap’an ni m’ug SOMOL; fayleng nge girdi’ riy e ra t’on gad.

Deuteronomy 7:21

Dab mu rusgad ngorad, ya SOMOL ni Got romed e bay romed; ya ir ba Got nib sorok me ir e ngan rus ngak.

Joshua 2:11

Nap’an ni gu rung’aged magmad rus; ra be’ ma ke mulan’ ni bochmed. I SOMOL ni Got romed e ir e Got nu tharmiy ngu roy u but’.

Joshua 2:24

Me lungurow ngak, “Kari mich u wun’mow nike pi’ SOMOL ngodad e re nam nem ni ga’ngin. Ya urngin e girdi’ nu rom ni kar rusgad ngodad.”

Joshua 2:9

me ga’ar ngorow, “Gu manang ni SOMOL e ke pi’ ngomed e re nam ney, ma nggog ngomew ni gamad gubin e re nam ney ni kug rusgad ngomed.

Revelation 20:11

Ma aram mu gguy ba tagil’ e pilung nib ga’ ma ba wechwech nge en nike par ngay. Me mil e fayleng nge tharmiy u p’eowchen nga bayang nge da ku ni guy.