Psalms 45:4 - Bible Ni Thothup

⁴ Mman u fanam falu’ ngam gel ni fan ko tin riyul’ nge tin bmat’aw gelngim e ra i gel nigem ko pi mael!

Psalms 45:4 Σταυροειδείς Αναφορές

Psalms 2:9

Bay mu gagiyeg nagrad nga pa’am nib wasey; bay mu bilbiligrad nnochiyang ni bod ba th’ib ni but’.’”

Psalms 60:4

Ka mu ginaeng e pi’in bay madgum u wan’rad, ya nge yag nra thaygad ko riya’.

Psalms 65:5

Taban e meybil romed ni ga ma fulweg e gel ni gamad ma tay ko mael, ga be rin’ bogi ban’en ni yira ngat ngay nga mu ayuwegmad. Girdi’ u gubin yang u fayleng, nge girdi’ ni yad mmal’af nga ba’nem e pi regur e gur e pagan’ rorad.

Isaiah 11:5

Bayi gagiyegnag e tirok e girdi’ nrogon nib mat’aw ma ba yal’uw.

Zekariah 9:9

Gimed e girdi’ nu Zion, mfelfelan’gad, mfelfelan’gad! Gimed e girdi’ nu Jerusalem, mu garus niged e felfelan’! Mu sapgad, pilung romed e be yib ngomed! Be yib nib felfelan’ ya ma gel ko pi to’ogor rok, machane ba sobut’an’, ma ke yib nike af nga daken ba dongki, ke af nga daken ba fak e dongki.

Matthew 11:29

Mfeked e mat’ rog ngam ted nga pomed, mi gimed folwok rog, ya gub munguy ma gub sobut’an’; mi gimed pir’eg e toffan.

Luke 19:27

Ere pi cha’ney ni to’ogor rog ndaburad ni nggu mang pilung rorad e ngam feked yad i yib iray ngam li’ed yad ngarm’ad u p’eowcheg!’ ”

John 1:17

I Got e pi’ fare Motochiyel rok ngodad u daken Moses; machane t’ufeg nge yul’yul’ e pi’ ngodad u daken Jesus Kristus.

John 14:6

Me fulweg Jesus ngak ni ga’ar, “I gag e kanawo’, me gag e tin riyul’, me gag e yafos; dariy be’ nrayag ni nge yan ngak e en ni Chitamangiy ya kemus ni gag e ra yan rog ngak.”

2 Korinth 10:1

I gag Paul e gu be wenig ngomed — i gag fa’anem ni kanog nib sobut’an’ug ma gub gol ko ngiyal’ ni gu bay romed, machane dagur tamdag ni nggu non ngomed nib gel ko ngiyal’ ni gub mal’af romed. Gu be wenig ngomed ni bod feni munguy nge feni gol Kristus ni be lungug:

1 Thessalonika 1:5

Ya gu feked i yib ngomed fare Thin Ni Bfel’, ni gathi kemus ni ug weliyed, ya ku errogon gelngin Got nge fare Kan Nthothup nib chagil ngay, ma ku errogon nib mich u wun’mad nib riyul’. Gimed manang rogon pangimad ko fa ngiyal’nem ni ug moyed romed; ren’em e fan ngomed ni nge fel’ rogomed riy.

1 Thessalonika 2:13

Ma ku ba’aray reb i fan ni gubin ngiyal’, ma gamad be pining e magaer ngak Got, bochan e gu feked e thin rok Got i yib ngomed mi gimed rung’ag nge mu’ mi gimed fol riy, ma da mu leam niged ni thin rok e girdi’, ya mu leam niged ni thin rok Got, ni er e bin ni ir, ya ri ir e thin rok. Ya Got e be maruwel u fithik’med e pi’in ke mich Got u wun’med.

2 Thessalonika 3:1

Pi walageg ni girdi’en Kristus, mpi’ed e meybil romad nge yag ni i wear e re thin rok Somol ney nib machreg, me gilbuguwan ni bod rogon ni wear u fithik’med.

Revelation 11:18

Pi nam e kari gel e damumuw rorad, ya ke taw nga nap’an ni nge taw e damumuw rom, nge nga nap’an ni ngam pufthinnag e pi’in ni karm’ad; nge nga nap’an e ngiyal’ ni ngam pi’ puluwon e tapigpig rom ni fapi profet, nge urngin e tirom e girdi’, ni pi’in yad ba tolang nge pi’in yad ba sobut’, ni urngin e pi’in ni bay madgum u wun’rad. Ke taw nga nap’an ni ngan kirebnag e pi’in ni kar kireb niged e fayleng!”

Revelation 19:11

Ma aram mu gguy e tharmiy nike mab, mu gguy ba os nib wechwech, ni en nike af nga daken e Yul’yul’ nge Riyul’ fithingan; nib mat’aw rogon e gechig nma pi’, ma bmat’aw rogon e mael nma tay.

Revelation 20:15

En nda immoy fithingan ni kan yoloy ngalan babyoren e pi’in ni kar fosgad e nin’ ngalan fare lipath i nifiy.

Revelation 6:2

Mu gu sap mu gguy ba os nib wechwech. Ni en ni bay u daken e bay ba gat’ing u pa’, ma kan te’eliyawnag. Me yan nrogon be’ nma gel ko mael ni nge yan ko mael nge gel.