Psalms 45:3 - Bible Ni Thothup

³ Pilung ni madangdang, mm’ag e saydon rom nga lukngum; gur e bgilbugwam ma ba sorom.

Psalms 45:3 Σταυροειδείς Αναφορές

BABYOR NI JOB 1:16

Dawori mu’ ko welthin, me taw yug reb e tapigpig rok me ga’ar ngak, “Ke aw e dirra’ ngak fapi saf nge pi’in yad be gafaliyrad karm’ad ni yad gubin. Kemus ni gag e kug thay ku gub ni nggu weliy ngom.”

Psalms 104:1

Lanin’ug, mpining e sorok ngak SOMOL! A SOMOL ni Got rog, rib sorom! Fanam rir nge fanam maluplup’ e kemang mad rom;

Psalms 145:12

ya nge nang urngin e girdi’ feni sorom ko tin kam rin’, nge gagiyeg ni ga be tay.

Psalms 145:5

Girdi’ e bay ur weliyed murung’agen e fla’ab rom nge rogon feni sorom, ma bay ug leamnag e pin’en nrib fel’ ni kam ngongliy.

Psalms 21:5

Kari gilbuguwan ni bochan e ayuw rom; kam gilnag buguwan ma kam gelnag gelngin.

Psalms 21:7

Fare pilung e ba pagan’ ngak SOMOL ni Gubin ma Rayag Rok; ma bochan e runguy rok SOMOL ngak ndabi thil bi’id, ma bayi par ni gubin ngiyal’ ni dabi buch ban’en rok.

Psalms 96:6

Maluplup’ nga feni rir e ke liyeg’, feni sorok nge feni gamog e ke suguy e Tempel rok.

Tang Ko Pitang 2:3

Bod rogon bake arfath u fithik’ e gek’iy u loway, aram rogon e an gamow ni yira ta’rebnag ko pi pumo’on. Adagen an’ug ni ngu par nga taglul’en, ma wom’ngin e ba athibthib u langag.

Tang Ko Pitang 5:13

Linglingin e bod feni fel’usun bang i milay’ nib sug ko herbs nge spices. Dap’iligun e bod e floras ni giyab, nib monur ko myrrh nib renran.

Isaiah 49:2

Me gagiyegnag e thin rog nge bod feni m’uth ba saydon; me yororiyeg nga pa’. Me ngongliyeg ni gu bod ba gan e gat’ing nib m’uth nrayag ni ngan maruwel ngay.

Acts 10:36

Gimed manang e thin ni pi’ nge yib ngak e girdi’ nu Israel, ni be weliy fare Thin Ni Bfel’ ni murung’agen e gapas nrayag ngodad u daken Jesus Kristus, ni ir e Somol rok urngin e girdi’.

Roma 14:9

Ya Kristus e yim’ ngki fos bayay ni bochan e nge mang Somol ko pi’in yad ba fos nge pi’in karm’ad.

Hebrews 1:3

Ir e be galgal ram’en Got rok nrib galgal; i ir e ri ta’reb rogorow Got, me ir e be dunubiy e gin’en ni bay urngin ban’en u lanelang riy nib mu’un e fayleng ngay, ni be dunubiy ko thin rok nib gel gelngin. Tomuren nike be’echnag e girdi’ ko denen rorad me yan i par nga but’ u tharmiy u ba’ ni mat’aw rok Got, ni ir e Th’abi Tolang.

Hebrews 4:12

Ya thin rok Got e ba fos ma bay gelngin nma maruwel. Ya kab m’uth ngabangi saydon ni ruw raba’ ma bm’uth. Ya ma yan nge yan i taw nga fithik’ i lanin’dad ko n’en ni gadad be leamnag, nge fithik’ e ul ul nge yil, ma ma pufthinnag e n’en ni yima yim’ ni bochan nge tin ni yima leamnag.

Hebrews 8:1

N’en ni gadad be weliy murung’agen e ba’aray: bay fare Prist ni Th’abi Ga’ rodad nike par nga but’ u ba’ ni mat’aw u tagil’ Got ni Pilung ni Th’abi Tolang u tharmiy.

Jude 1:25

ta’are Got ni ir e thapegdad ngak u daken Jesus Kristus ni ir e Somol rodad, e ir e ngu’un tay fan, me ir e ngan nang ni ir e ba th’abi tolang, me ir e gubin mrayag rok, me ir e be gagiyegnag urngin ban’en ko tabolngin nge chiney i yan ngam’on ndariy n’umngin nap’an. Amen.

Revelation 1:16

Ma bay medlip i t’uf u lan e ba’ ni mat’aw i pa’, me m’ug ba saydon u l’ugun ni l’agruw raba’ ma mm’uth. Ma owchen e bod owchen e yal’ ni misiw’.

Revelation 19:15

Me yib ba saydon u lan l’ugun nib m’uth, ni ir e nge maruwel ngay nge gel ngak e pi nam. Bay mang ir e i gagiyeg nagrad nga ba ley i wasey, ma bayi uduy e grape u lan fare n’en nma uduy e grape u lan, ni aram e damumuw rok Got ni Gubin ma Rayag Rok.

Revelation 19:21

Ma salthaw rorow e li’rad fare saydon ni fa’ani yib u lan l’ugun fa’anem nike af nga daken fare os; ma urngin e arche’ nra longuyed urngin e tin nrayag ni ngar longuyed ko ufin u dowrad.

Judges 3:16

Ma ke ngongliy Ehud bangi saydon ni fen nruw raba’ ma bm’uth ni gonop’an reb e fit nge l’agruw e inch n’umngin. Me m’ag nga tan e mad rok u ba’ ni mat’aw.