Psalms 45:12 - Bible Ni Thothup

¹² Girdi’ nu Tyre e bay ra feked e tow’ath rom i yib; girdi’ ni yo’or ban’en rorad e bay ra guyed rogon ni ngam adag dakenrad.

Psalms 45:12 Σταυροειδείς Αναφορές

Psalms 22:29

Urngin e girdi’ nib tolangan’rad e yad ra siro’ ngak, ma gubin e pi’in yad ra yim’ ni bay ra siro’gad u p’eowchen,

Psalms 68:29

ko fare Tempel rom u lan yu Jerusalem, ko gin ra fek e pilung e tow’ath rom ngom i yib ngay.

Psalms 72:10

Pi pilung nu Spain nge pi donguch e bay ur pi’ed e tow’ath ngak; gal pilung nu Sheba ngu Seba e bay ur pi’ew e maligach ngak.

Tang Ko Pitang 2:14

Ga bod ba dove ni be mith u thilin e war. Mu pageg nguguy fel’ngin owchem mu gu rung’ag lingum ni rib simunguy.

Tang Ko Pitang 7:11

Moy to’, nga darow nga wuru’ e binaw ngad pirew reb e nep u lan e flang.

Isaiah 49:23

Ra par e pi pilung ni yad e ra pofed gur, ma pi le’engirad e bay ur tathuth niged gur ni bod rogon e chitiningiy. Bay ra parawgad u p’eowchem ngar ted fam; ma bay ra ted fam u fithik’ e sobut’an’. Ma aram e bay mu nang ni Gag e SOMOL; dariy be’ ni be son nageg ni nggu ayuweg nra m’ingan’.”

Isaiah 60:3

Ma pi nam e bay ra leked rama’em i yib, Ma pi pilung e bay ra leked rama’em i yib ni bod e woch ni puf ngorad!

Matthew 2:11

Miyad chuw nga naun miyad guy fachi tir ni bay rok Maria ni chitiningin. Miyad ragbug ngar siro’gad ngak; miyad bing e tutuw rorad miyad tow’athnag ko gol, nge frankincense, nge myrrh.