Psalms 42:9 - Bible Ni Thothup

⁹ I Got, ni ir e be yoror rog, e ke lungug ngak, “Mang ni kam pag talig? Mang nthingar ug gafgow ko kireb nib gel ni be tay e pi to’ogor rog ngog?”

Psalms 42:9 Σταυροειδείς Αναφορές

Psalms 13:1

SOMOL, uw n’umngin nap’an ni ngam pagtalig? Manemus? Uw n’umngin nap’an ni ngam mitheg owchem rog?

Psalms 18:2

SOMOL e ir e ta’ayuw rog; I ir e yoror rog nib gel. Got rog e ir e yoror rog, mra gu bay rok ma dariy ban’en nra buch rog. Ma yororiyeg ni bod bangi shield; Ir e manaf rog ma be guyeg ndabi buch ban’en rog.

Psalms 28:1

A SOMOL, ni gur e yoror rog, gu be piningem, mmotoyil ko meyor rog! Fa’anra dab mu fulweg lungug, ma bay gu’un ngak e pi’in ngranod nga’ar ko fayleng ko yam’.

Psalms 38:6

Ku gu bugbug nga but’, ni ku gu masengseng; ni polo’ e rran ni gu be gel’gel’.

Psalms 43:2

Got, i gur e manaf rog, mang ni kam pageg? Mang nthingar ug gafgow ko kireb nib gel ni be rin’ e pi to’ogor rog ngog?

Psalms 55:3

Ke k’aring e pi to’ogor rog e marus ngog ko thin ni togopluw, kug masengseng ko gafgow ni be tay e pi’in kireb e leam rorad ngog. Yad be girengiy e oloboch nga dakenag; yad be damumuw ngog ma yad be fanenikayeg.

Psalms 62:2

Kemus ni ir e be yororiyeg mma mat’aw nigeg ngak; ir e ma n’ufeggeg, ni dariy e n’en nra rin’ mu gu waer.

Psalms 77:9

Gur, ke pag Got talin ni nge runguydad? Gur, damumuw e ke yon’ luwan e runguy rok?”

Psalms 78:35

Me yib ngan’rad ni Got e i yoror rorad, ni en ni Gubin ma Rayag Rok e i yibnag e ayuw ngorad.

Psalms 88:9

ke me’waer e changar rog ko gafgow. SOMOL, gubin e rran ma gu ma piningem ma gu ma meybil ngom ni kug tining pa’ag ngalang.

Psalms 92:3

ko talin e musik ni bay e seng riy nge harp ni yibe chubeg ni bfel’ lingan.

Eklesiastes 4:1

Ma aram mu gu sap bayay nga urngin e tin be buch nde mat’aw u lan e re fayleng ney. Ma pi’in ka ni gafgow nagrad e yad be yor, ma dariy be’ nra aywegrad. Dariy be’ nra aywegrad ni bochan e pi’in ni be gafgow nagrad e yad e bay gelingrad.

Isaiah 40:27

Israel, mang ni ga be yog nde nang SOMOL e gafgow rom, ara dar leamnag ni nge mat’awnag urngin ban’en ni fan ngom?

Isaiah 49:15

Me fulweg SOMOL ni ga’ar, “Gur rayag rok be’ ni bpin ni nge pag talin fak ni kabran ma dabi t’uf rok e re tir nem ni ir e gargeleg? Gomang e ra pag be’ ni bpin talin fak, machane gag e dab gu pag talimed.