Psalms 42:4 - Bible Ni Thothup

⁴ Fa’an gu ra leamnag e kakrom mi i kireban’ug; ya ngiyal’nem e un e girdi’ ni yo’or ngog ngu’ug warod ko fare naun rok Got, gu ma m’on ngu’ur leked gag, ni gamad ba ulung i girdi’ ni gamad ba felfelan’, ni gamad be tang ma gamad be pining e sorok ngak Got ni ba ga’ lammad.

Psalms 42:4 Σταυροειδείς Αναφορές

2 Kings 18:30

Ma dab mpaged nge tay ir ngomed ni ngam toergad ngak SOMOL. Dab mu leam niged nra ayuwegmed SOMOL nge dabi pag e salthaw nu Assyria ngar feked e binaw romed.

2 Kings 18:32

nge mada’ ko ngiyal’ ni nge fekmed e pilung nu Assyria nga reb e nam ni bod e biromed e nam, ni bay e woldug ni grape riy ni yima ngongliy nge yib e wayin riy, ma bay e woldug ni wheat ni yima ngongliy e flowa ngay; ya ba nam ni bay e woldug ni olive, nge gapgep ni yib ko olive, nge honey. Fa’anra mu rin’ed e tin keyog ma dabiyag ni ngam m’ad. Dab mpaged Hezekiah nge ban nagmed ngam leam niged ni SOMOL e bayi ayuwegmed.

2 Kronicles 7:10

me yan ni reb e rran riy, ni aram e rofen ni rliw’ nge dalip e rran ko fare pul ni medlip, me l’oeg Solomon fapi girdi’ ngar sulod nga taferad. Yad ba felfelan’ nga urngin e tow’ath nike pi’ SOMOL ngak e tirok e girdi’ nu Israel, nge David, nge Solomon.

BABYOR NI JOB 29:2

Mang e yigki sul e yafos rog nga rogon ko ngiyal’ ni ba’aram ni i aywegneg Got.

Psalms 100:4

Marod ngalan e pi garog ko Tempel rok ni gimed be pining e magaer ngak, marod ngalan e yoror rok nib thothup ni gimed be pining e sorok ngak! Mu pininged e magaer ngak mi gimed pining e sorok ngak!

Psalms 115:2

Mang ni be fithmad e pi nam ni yad be ga’ar, “Bu uw e Got romed?”

Psalms 122:1

Gu felfelan’ nnap’an ni lungurad ngog, “Ngdarod ko naun rok SOMOL!”

Psalms 122:8

Bochan e girdi’ rog nge pi tafager rog me lungug ngak Jerusalem, “Nge yib e gapas ngom!”

Psalms 55:14

Ud welyew salpadow ngodow mu ud liyorgow u ta’bang u lan e Tempel.

Psalms 62:8

Gimed pi girdi’eg, nge pagan’med ngak Got ni gubin ngiyal’. Mu weliyed ngak urngin e magfan’ romed, ya ir e manaf rodad.

Psalms 79:10

Mangfan ni be fithmad e pi nam, ni yad be ga’ar, “Bu uw e Got romed?” Mu gagiyegnag ngguyed ni kam gechignag e pi nam ni bochan e yad be po’ug rachaen e pi tapigpig rom.

Psalms 80:6

Kam pag e pi nam nib liyegmad ni yad be chamnag e binaw romad; ma be yog e to’ogor romad e thin ni kireb ngomad.

Isaiah 30:29

Machane gimed e girdi’ ku Got, e bay um tanggad ni ka mu felfelan’gad ni bod ni gimed ma rin’ ko fare nep’ ni bay e madnom ni thothup. Ni felfelan’ ni bay mu ted e bod e felfelan’ ko girdi’ ni yad be un u lingan e musik ni ngal ni yibe thoy i yan nga Tempel rok SOMOL, ni ir e ma n’ufeg yu Israel.

Lamentations 2:19

Numngin e nep’ ni ngu’um od bayay nge bayay ngu’um yor ngalang ngak Somol; Ni ga be pu’og lanin’um nga but’ ma ga be wenig ngak ni nge wurngan’ nga daken pifakam — Pi bitir ni be li’ e mak’iy u gubin e pi tam’ing ko kanawo’!

Lamentations 4:1

Gol rodad ni immoy nib galgael e ke yim’ ram’en; fapi malang ko fare Tempel e ke wagagey u lan e yupa’ i kanawo’.

Ezekiel 46:10

Fare pagel ni fak e pilung e nge yib nga langan e garog ko ngiyal’ ni be yib e girdi’, me chuw ko ngiyal ni yad be sul.

Joel 2:17

Pi prist ni yad be pigpig ngak SOMOL u lan e Tempel u thilin langan e mab nge altar e thingar ra yorgad miyad meybil ni lungurad, ’SOMOL, mu runguy girdi’em. Dab mu pag yugu boch e nam ngar darifan niged gamad mu ur moning niged gamad ni be lungurad, ’Bu uw e Got romed?’’

Nahum 1:15

Mu changar, ke yib bmal’og u daken e pi burey nike fek e thin ni bfel’! Ke yib ni nge weliy murung’agen e gapas! Gimed e girdi’ nu Judah, mmadnom niged e pi madnom romed ngam pi’ed ngak Got e n’en ni mu og niged ngak. Pi to’ogor e dakriy bi’id ni ku yad ra cham u lan tafenmed bayay. Ya yad gubin ni kan thang owcharad.

Luke 16:25

Machane me ga’ar Abraham, ‘Fakag, ka ga manang faram ni fa ngiyal’nem ni um moy ko fa binem e tamilang e ni pi’ urngin e tin ni bfel’ ban’en ngom, ma aram e urngin e tin kireb ban’en e yag ngak Lazarus; machane chiney e be felfelan’ u roy, me gur e kam par nga fithik’ e amith.

Deuteronomy 16:11

Mu felfelan’ gad u p’eowchen SOMOL ni Got romed, ni gimed nge pifakmed, nge pi tapigpig, nge pi Levite, nge milekag, nge pi’in kanim’ rorad, nge pi’in ke yim’ figirngirad ni yad ma par u lan fa yoch i binaw romed. Mu rin’ed ni aray rogon ko fa ta’gin’en ni tagil’ e liyor.

Ruth 1:21

Fa’an gu chuw u roy ma bo’or ban’en rog, machane ke fulwegeg SOMOL ngaray ni dariy ban’en rog. Ere mang ni ngam pininged Naomi ngog ni SOMOL ni Gubin ma Rayag Rok e ke gechig nageg ke pi’ e gafgow ngog?”