Psalms 42:2 - Bible Ni Thothup

² Gur Got ni ga be par ni gabfos e ku gum’ ni bocham ni bod ni kug balel. wu’in e rayag ni gub gu liyor u p’eowchem?

Psalms 42:2 Σταυροειδείς Αναφορές

BABYOR NI JOB 23:3

Gu be athpeg ni mang e yi gu nang e gin gu ra pir’eg Got riy, mu gu nang rogon mu gu wan ko gin bay riy.

Psalms 27:4

Kug wenignag ta’a ban’en ngak SOMOL; ta’a ban’en e gu ba’adag, nggu par u lan e naun rok SOMOL u n’umngin nap’an e yafos rog, mu’ug ngat’ nga feni fel’ SOMOL, mu gog ngak ngi i pow’iyeg.

Psalms 43:4

Ma aram mu gu wan nga altar rom, i gur Got, ya gur kenggin e felfelan’ rog, bay gu musik ko harp rog nggu tang nigem nib sorom, I gur Got, ni gur e Got rog!

Psalms 63:1

A Got, i gur e Got rog, ku gum’ ni bocham. Polo’ i gag ni be yim’ ni bocham; ni bod rogon e belel nma yib, ni bod bangi binaw nike mlik, nike finey e ran.

Psalms 63:3

T’ufeg rom ni dabi mus e kabfel’ ko yafos, ere bay gu pining e sorok ngom.

Psalms 84:10

Ta’reb e rran ni yira par u Tempel rom ma kabfel’ nga bbiyu’ e rran nni par u bang; kug ba’adag ni nggu sak’iy u langan e garog ko naun rok e Got rog ko bin ni nggu par u tafen e girdi’ ni kireb.

Psalms 84:2

Kari gum’ ni bochan ni ngub ngaram! Kari gum’ ni bochan ni ngu’un ngalan e yoror rok SOMOL. Polo i gag ni gu be tangnag e felfelan’ ngak fare Got ni be par ni bafos.

Psalms 84:4

Rib felfelan’ e pi’in yad be par u lan e Tempel rom, ni gubin ngiyal’ ni yad be yin’ tangin e sorok ngom!

Psalms 84:7

Ra yad be yan ma yad be gel i yan, bay ra guyed fare Got ni ir e th’abi ga’ u fithik’ e pi got u Zion!

Exodus 23:17

Dalip i madnom ney u reb e duw e thangri yib gubin e pumo’on romed i liyor ngog, i Gag SOMOL ni Got romed.

Isaiah 26:8

Gamad be falwok u lanin’um ma gur e lagan’ romad; i gur e gubin tabon lanin’mad.

Jeremiah 10:10

Machane gur SOMOL, e gur e bin rriyul’ e Got, ni gur fare Got nib fos ni pilung ni manechibog ko pi chibog. Gur e nap’an ni ga ra damumuw, me rur e fayleng; ni dabiyag ni nge lubeg e pi nam e damumuw rom. (

Jeremiah 2:13

girdi’ rog e ke ngongliy l’agruw i denen: ka ra pi’ed keru’rad ngog, ni gag fare alublub nib machalbog e ran riy; ma ka ra kired boch e low, ni low nike yaba’al yu yang riy ndabiyag ni nge mit e ran riy.”

Daniel 6:26

Gu be yog ni ga’ngin e gin gu ma gagiyegnag e nge par gubin e girdi’ riy ni bay madgun fare Got rok Daniel u wun’rad ma ngu’ur liyorgad ngak: “I ir ba Got ni be par nib fos ma bayi gagiyeg ni dariy n’umngin nap’an. Ma gagiyeg rok e dariy e n’en nra rin’ me yag nni kirebnag, ma gelngin e dariy e n’en nra rin’ me mus.

John 5:26

En ni Chitamangiy e ir e bay e yafos u pa’, ere errogon e en ni Fak ni ku bay e yafos u pa’ ni en ni Chitamangiy e ke yodoromnag.

John 7:37

Ma chirofen ni ba’aram ni tomur ko madnom e ir e th’abi ga’ fan. Chirofen nem e sak’iy Jesus ngalang nge yog ni ba ga’ laman ni ga’ar, “En nike yib e belel ngak e nge yib ngog nge garbod.

1 Thessalonika 1:9

Urngin e pi girdi’ ney ma yad be weliy rogon ni mt’ufeged gamad ko fa ngiyal’ ni gu bad ngomed, nge rogon ni mpi’ed keru’med ko liyos nma meybil boch e girdi’ ngay ngam sapgad ngak Got, mi gimed pigpig ko bin nib riyul’ e Got ni ir e be par nib fos,

Joshua 3:10

Daba’ e bay mu nanged ni fare Got ni be par nib fos e bay romed; nap’an ni bay mmarod i yan nga m’on ma ir e bayi tuluf piyu Kanaan ngar chuwgad, nge fapi girdi’ ni kanog e Hittite ngorad, nge Hivite, nge Perizzite, nge Girgashite, nge Amorite, nge Jebusite.

Revelation 22:1

Miki dag fare engel ngog fare lul’ ni bay e ran ko yafos riy, ni be galgal ram’en ni bod e krystal, ni yib u tagil’ Got nge fare Fak e Saf,