Psalms 40:17 - Bible Ni Thothup

¹⁷ I gag e gub me’waer ndabiyag ni gu ayuwegneg, machane gur Somol e ga be leam nigeg. I gur e ta’ayuw rog ma Got rog, mu gur nag e ayuw rom ngog!

Psalms 40:17 Σταυροειδείς Αναφορές

Psalms 109:22

Gu ba gafgow ma bt’uf e ayuw rog; be amith fithik’ i lanin’ug.

Psalms 34:4

Gu meybil ngak SOMOL me fulweg taban e meybil rog; i chuweg urngin e marus rog.

Psalms 34:6

Pi’in ndabiyag ni ngar ayuweged yad e yad ra non ngak, me fulweg lungrad; me chuwegrad u fithik’ urngin e gafgow nike yib ngorad.

Psalms 35:27

Pi’in yad ba’adag ni nge m’ug ni bfel’ e rog e mang e yigur tolul niged e felfelan’ ma yad be non ni dab ra talgad ni be lungrad, “Kari sorok SOMOL! Ya bfel’ u wan’ e tapigpig rok nike man’og.”

Psalms 40:5

SOMOL ni Got rog, pire’ ban’en ni yira ngat ngay ni kam ngongliy ni fan ngomad; dariy be’ ni bod gur! Bo’or ban’en ni bfel’ nike m’ay i leamnag rom ni fan ngomad. Dabyag ni gu ra weliy ni gubin, ya kayigi pire’.

Psalms 54:4

Machane Got e ir e ma ayuwegneg. I SOMOL e ir e ma n’ufegeg.

Psalms 69:33

SOMOL e ma motoyil ngak e pi’in kar gafgowgad, ma der ma pag talin e tirok e girdi’ ni bay u kalbus.

Psalms 70:5

Gub me’waer ma gub gafgow; A Got, mu gur nigem ngog! Gur e ta’ayuw rog ma SOMOL rog mu gur nagem ngam aywegneg!

Psalms 86:1

SOMOL, mu telim ngog, ngam fulweg lungug, ya dariy ban’en nrayag rog ma gub me’waer.

Isaiah 25:9

Nap’an nra yodrom, ma gubin e girdi’ ni bayi ga’ar, “Ir e Got rodad! Kad ted e pagan’ rodad nga daken, ma ke aywegdad ni de buch ban’en rodad. I ir e SOMOL! Kad ted e pagan’ rodad nga daken, ma chiney e kad felfelan’gad ma kad ufgad ni bochan e ke ayuwegdad.”

Isaiah 41:17

“Ra gafgow e girdi’ rog ko ran miyad gay e ran, nike mlik’ e k’onganrad ni bochan e belel, me gag SOMOL e bay gu fulweg taban e meybil rorad; I gag fare Got nu Israel e ri dab gu n’agrad.

Matthew 8:20

Me fulweg Jesus ngak ni ga’ar, “Gamanman ni fox e bay e low ni taferad, ma arche’ e bay taferad ni kar toyed, machane en ni Fak e Girdi’ e dariy bang ni nge pag ir riy nga but’ nge toffan.”

2 Korinth 8:9

Ya gimed manang rogon ni runguydad e Somol rodad i Jesus Kristus ni ba’aray rogon: aram rogon feni fla’ab, me pag ir nge gafgow ni fan ngomed, ni fan e nge yagnag e fla’ab ngomed u daken e gafgow nike tay.

Hebrews 13:6

Ere dab kud tamdaggad ma nge lungudad, “I Somol e ir e be ayuwegneg, ere dab gu tamdag! Mang e rayag ni nge rin’ e girdi’ ngog?”

James 2:5

Pi walageg ni girdi’en Kristus, mu telmed ngog! I Got e ke mel’eg e girdi’ ni gafgow u roy u fayleng ni ngari gel e michan’ rorad ngak Got ngu’ur pired nib pagan’rad ngak me yag ngorad e gin nsuwon Got ni yog nra pi’ ngak e pi’in nib t’uf Got rorad.

1 Peter 2:23

Ma fa’an nog e thin nib kireb ngak ma de tay puluwon ni thin nib kireb; ma fa’an nni gafgownag ma de ga’ar e bayi fulweg taban ngak e pi’in yad be gafgownag, machane me pag fan urngin ban’en ngak Got, ni ir fare Tapufthin nib mat’aw.

1 Peter 5:7

Mpaged fan urngin e magafan’ romed ngak, ya be leamnag rogomed.

Revelation 22:20

En ni ir e ke weliy e pin’ey ni urngin e ke ga’ar, “Riyul’! Dabki n’uw nap’an mu gub!” Nge par riy ni bod ni kamog. Moy, Somol Jesus!