Psalms 40:12 - Bible Ni Thothup

¹² Kug par nga fithik’ e oloboch ni pire’, ndabkiyag i the’eg! Denen rog e ke ingeg, da ku gur guy ban’en; ke pire’ nga piyan lolugeg, ma kug par nike mulan’ug.

Psalms 40:12 Σταυροειδείς Αναφορές

Genesis 42:28

Me ga’ar ngak pi walagen, “Kan fulweg e salpiy rog ngog. Ba’aray u lan e tutuw rog.” Me ri yib e marus ngorad nib gel, mra bagayad me changar ngak bagayad me lungurad, “Mang e biney nike ngongliy Got ngodad?”

Psalms 116:3

Riy’an e yam’ e longbiyeg; dogwen e low ko yam’ e chuchugur ngog; mu gum’ ko marus nge magfan’.

Psalms 19:12

Dariy be’ nrayag ni nge guy e kireb rok; SOMOL, mu chuwegeg u fithik’ e kireb rog nib mith.

Psalms 38:4

Gu be lumach u fithik’ pi denen rog nike sugbur; nib gilab ni kay gi tomal ni nggu chibiy.

Psalms 61:8

Gubin ngiyal’ ni bay gon’ e tang ni gu be pining e sorok ngom, ko ngiyal’ ni gu be pi’ ngom ni yu rran e n’en ku gu micheg.

Psalms 69:4

Pi’in yad be fanenikayeg ndariy tapgin e yad ba pire’ nga piyan lolugeg; pi to’ogor rog e yad be lifith l’ugunrad nib togopluw ngog yad ba gel ma yad ba’adag ni ngar li’edgag nggum’. Kar gel niged yad ngog ni nggu pag ngorad bogi n’en ni gathi gu iring.

Psalms 73:26

Lanin’ug nge dowag e ra me’waer i yan, machane Got e ir gelngig; kari mus ni ir e nge yag ngog!

Isaiah 53:6

Gadad gubin ni gadad bod e saf ni yan ngabang, ra bagadad me yan ko gin be leamnag. Me gagiyegnag SOMOL e gechig nge aw ngak, ni fare gechig ni gadad gubin ni bay tapgin ni nge aw ngodad.

Luke 21:26

Ma bayi aw e girdi’ nga but’ ko marus ko ngiyal’ ni ba’aram ni yad be sonnag e n’en ni be yib i yib nga daken e fayleng ni polo’; ma gelngin e pin’en ni bay u lanelang e bay ni pingegrad ngranod ko gin ni gathi ir e yad be sor ngay.

Hebrews 4:15

Re prist rodad nem ni fare Prist ni Th’abi Ga’ e gathi reb e prist ni dabi kireban’ ngodad nga fadad me’waer. Ya re prist rodad nem ni fare Prist ni Th’abi Ga’ e yib ngak urngin kanawo’en e pin’en nma waliy e girdi’ nge denen ni bod gadad, machane de denen.

1 Peter 3:18

Ya Kristus e ir e yim’ ni fan ko denen, nri ta’ab yay me mus, ni ir be’ nib mat’aw me yim’ ni fan ngak e girdi’ nde mat’aw, ni fan e nge yag ni fekmed i yan ngak Got. Ya nli’ ngem’ e dowef rok, machane min faseg ni dabki yim’;