Psalms 40:11 - Bible Ni Thothup

¹¹ SOMOL, gu manang ndabiyag ni ngam tal ni nge dab kum runguyeg! Gelngin nib t’uf e girdi’ rom nge fanam yul’yul’ e bay i yororiyeg ni gubin ngiyal’.

Psalms 40:11 Σταυροειδείς Αναφορές

Psalms 23:6

Fel’ngim ngog nge fanag t’uf rom e rib muduwgil ni bayi un ngog u n’umngin nap’an e yafos rog; ma naun rom e bayi mang tabinaw rog u nap’an e yafos rog.

Psalms 43:3

Mpi’ e tamilang rom nge thin rom nib riyul’ nge yib ngog, ngar pow’iyew gag miyow fulwegneg nga Zion, ko burey rom nib thothup, nge ngalan e tempel rom, ko gin ga ma par riy!

Psalms 57:3

Ra fulweg lungug u tharmiy me ayuwegneg; bayi mo’waernag e pi’in yad be gafgow nigeg. Got e ra dag ngog e t’ufeg rok ni dabi mus nge feni yul’yul’.

Psalms 61:7

A Got, mang e yigi gagiyeg u p’eowchem ndariy n’umngin nap’an, mu yororiy ko fare t’ufeg rom ni dabimus nge fenam yul’yul’.

Psalms 69:13

Machane gag e bay gu meybil ngom, i gur SOMOL; Got, mu fulweg taban e meybil rog ko ngiyal’ ni kam turguy ni bochan ga’ngin e t’ufeg rom’, ya gab yul’yul’ ko tin ka mu micheg ni ga ra ayuwegey.

Psalms 69:16

SOMOL, mu fulweg taban e meybil u fanam gol ko fare t’ufeg rom ni dabimus; mu changar ngog u fithik’ gelngin e runguy rom ni ba ga’!

Psalms 85:10

T’ufeg nge yul’yul’ e yow ra mada’; mat’aw nge gapas e yow ra gamuchmuch nga ta’bang.

Psalms 89:2

Gu manang ni t’ufeg rom e bay i par ndariy n’umngin nap’an, ma fanam yul’yul’ e dabi chuw ni bod lanelang.

Proverbs 20:28

Ba pilung e ra i par lungun u gil’ u n’umngin nap’an ni be gagiyeg nib yul’yul’, ma ba mat’aw, ma der lanyan’.

Hebrews 5:7

Nap’an ni immoy Jesus u roy u fayleng me meybil ni wenig ngak Got ni ba ga’ laman u fithik’ e lu’, ya ir e rayag rok ni nge tay Jesus ni dabi yim’. Ma bochan e ba sobut’ laniyan’ ma rib m’agan’ ngay ni ngi i fol rok Got, ma aram fan ni fulweg Got taban e meybil rok.