Psalms 4:7 - Bible Ni Thothup

⁷ Machane, felfelan’ ni kam pi’ ngog e bagel boch ko felfelan’ ni yad ra tay ko urngin e grain nge wayin rorad.

Psalms 4:7 Σταυροειδείς Αναφορές

Psalms 31:17

SOMOL, gu be piningem; dab mu pageg nge ma’fag. Nge mang e pi’in kireb e nge ma’farad; mang e ranod nib m’ath gulungrad i yan nga but’ ko fare fayleng ko yam’.

Psalms 37:4

Mu gay e felfelan’ rom rok SOMOL, me pi’ ngom e tin ir e kari t’uf rom.

Psalms 43:4

Ma aram mu gu wan nga altar rom, i gur Got, ya gur kenggin e felfelan’ rog, bay gu musik ko harp rog nggu tang nigem nib sorom, I gur Got, ni gur e Got rog!

Psalms 67:2

ya nge nang e fayleng ni polo’ e tin nib magan’um ngay, me nang urngin e pi nam e ayuw ni ga ma pi’!

Psalms 80:4

SOMOL ni Got ni Gubin ma Rayag Rom, bu uw n’umngin nap’an, ni ngam par ni gab damumuw ko pi meybil rok e girdi’ rom?

Psalms 92:4

A SOMOL pi maruwel rom nib thum’ ngaru’ e gu ba felan’ ngay; ma bochan e n’en ni ka mu rin’, mu gu tangnag e felfelan’.

Tang Ko Pitang 1:4

Mu fekeg nggu un ngom, ngad milgow nga darow; ngam mmang pilung rog ma ga fekeg nga senggil rom. Gadow ra felfelan’ u ta’bang, ngad unumew ngad talubgow nga aer, ngad li’ew gadow ko adag. Arfan ngay ni urngin e ppin ma ba adagem!

Isaiah 9:3

Somol kam pi’ e felfelan’ ni ba ga’ ngorad; kam gagiyeg nagrad kar felfelan’gad. Yad be felfelan’ ko n’en ka mu ngongliy, ni bod e felfelan’ ni be tay e girdi’ ko ngiyal’ ni yad be kunuy e ggan ko woldug rorad, ara ngiyal’ ni yad be f’oth e chugum nra koled u tan e mael.

Jeremiah 48:33

Felfelan’ nge uf e kan chuweg ko fare nam nu Moab nib yong’ol but’an. Kug taleg l’ogwen e wayin ni yibe pirdi’iy; dakriy be’ ni nge ngongliy e wayin me tolulnag e felfelan’.

Numbers 6:25

I SOMOL e ngi i gol ngomed ma be runguymed;

Acts 14:17

Machane gubin ngiyal’ ni be micheg ir u daken urngin e tin ni bfel’ ni be rin’, ya ma pi’ e n’uw ngomed u lang nge galwog u ngal’an; me ir e ma pi’ e ggan ngomed mma fal’eg lanin’med.”

1 Peter 1:8

Ba t’uf romed, ni yugu aray rogon ndamur guyed; ma mmich u wun’med, ni yugu aray rogon ndamur guyed e chiney; ma aram fan ni ba ga’ e felfelan’ ni gimed be tay, nib felfelan’ ndabiyag ni ngan weliy ko thin,

Judges 9:27

Mranod nga ted ngar kunuyed e grape, ngar ngongliyed e wayin riy, miyad tay ba madnom. Ranod ngalan e tempel ko got rorad, ngu’ur abichgad ma yad be garbod ma yad be makak’arnag Abimelek.