Psalms 39:13 - Bible Ni Thothup

¹³ Mu pageg nggu par rog nge yag ni yiggu felfelan’ bochu’uw u m’on ni nggum’ nggu chuw.

Psalms 39:13 Σταυροειδείς Αναφορές

Genesis 42:36

Me ga’ar e chitamangirad i Jakob ngorad, “Bay mpagedgag ndariy e bitir rog. Ya ke yan Josef; ma ke yan Simeon; ma chiney e gimed be finey ni ngam feked Benjamin rog. I gag e gu ra gafgow!”

Genesis 47:9

Me ga’ar Jakob, “Ke gaman e 130 e duw nap’an ni gu milekag ko biney e tamilang. De yo’or e duw ma de mom e tin ni yib ngog riy, de ta’reb rogon ko pi duw ni ba’aram ni i milekag e pichitamag ni kakrom riy.”

Genesis 5:24

I par Enok ni be fol rok Got, ma aram mada kun guy ni bochan e ke fek Got.

2 Kings 20:3

“SOMOL, nge par u wun’um, ni rogon ni ug pigpig ngom e rib fel’ rogon ma rigub yul’yul’ ngay ma gubin ngiyal’ ma gu be guy rogon ni nggu rin’ e tin gab adag ni nggu rin’.” Me tabab ko meyor nib gel.

1 Kronicles 29:15

SOMOL, ga manang ni gamad ma par ko biney e yafos ni bod e girdi’ nu boch e nam ara bogi milekag, bod rogon e pi chitamngimad kakrom. Pi rran romad e bod bangi taglul’ ni be m’ay, ma dabiyag ni gu milgad ko yam’.

BABYOR NI JOB 7:19

Mang ni dab mu fek owchem rog boch ngiyal’ nge yag ni gu ful’ nguwcheg?

Psalms 119:19

I gag e gu bay u roy u fayleng ni boch ngiyal’; dab mmithag e pi motochiyel rom rog.

Psalms 18:7

Ma aram me yib e durru’ nge rur e fayleng; ma enggin e pi burey e rur ma be dada’, ni bochan e ke damumuw Got.

Levitikus 25:23

Binaw romed e ri dab ni pi’ nchuway’ ni dab kisul bi’id ko en tafen, ni bochan e de milfan ngomed; ya ba milfan ngak Got, ma gimed bod e milekag nike pagmed kam pired riy.