Psalms 38:3 - Bible Ni Thothup

³ Bochane e damumuw rom ma kug par nga fithik’ e amith nib gel; downgig e ke polo’ i m’ar ni bochan e pi denen rog.

Psalms 38:3 Σταυροειδείς Αναφορές

2 Kronicles 26:19

Ba sak’iy Uzziah u rom u lan fare Tempel u barba’ i to’oben fare altar ko incense ni be kol ban’en ni yima urfiy e incense ngay. Mri damumuw ngak fapi prist, ma ka ngiyal’nem me for e malad u daken peri’.

BABYOR NI JOB 6:4

Got ni Gubin ma Rayag Rok e ke yip’eg ko gan e gat’ing, ni yub riy e kenad u fithik’ i dowag. Ke k’afeg Got e marus be aw ngog.

Psalms 102:3

Yafos rog e be m’ay ngabang ni bod e ath; ma be mo’oruf dowag ni bod ba nifiy.

Psalms 102:5

Gu be gel’gel’ ngalang; Kug par ni go’ gub thum i yil nge biyach.

Psalms 32:4

Ya mu gechig nigeg ni rran nge nep’, I gur SOMOL; mu gu par ni kari m’ay gelngig, ni bod e wa’angachal ni mlik’nag e yal’ u ngal’an e gowel.

Psalms 51:8

Mu suguyeg ko felfelan’ nge fel’ laniyan’; ni yugu aray rogon ni kam masengseng nigeg ma kam t’areg, mu kug felfelan’ bayay.

Psalms 6:2

SOMOL, kem’ay gelngig; ere wurengan’um ngog! Mu pi’ gelngig; ya kri thowparwog