Psalms 38:10 - Bible Ni Thothup

¹⁰ Be ob gumircha’eg, ma kem’ay gelngig, ma tamilang u lan owcheg e dakriy.

Psalms 38:10 Σταυροειδείς Αναφορές

Psalms 119:123

Ke magaf owcheg i changarnag e ayuw rom, ni fare ayuw nim micheg.

Psalms 31:10

Ke li’eg e kireban’, ma meyor e ke ngochnag e yafos rog. Ku gu me’waer u malngin gubin e gafgow rog; ma ku be ma’m’ay yileg.

Psalms 42:1

Rogon ba gamanman ni deer ni finey e ran nib garbeb ni bay u lan ba lul’, e aram rogon ni ku gum’ ni bocham, I gur Got.

Psalms 6:7

Ka ri chugur ni nge dab kug guy ban’en; ya owcheg e kari thow ni bochan e meyor ni be k’aring e pi to’ogor rog ngog.

Psalms 69:3

Ke m’ay gelngig ma ke amith k’angag ko pong ni gu be tay ni man ayuw, ma ke amith lan owcheg i changarnag e ayuw rom.

Psalms 88:9

ke me’waer e changar rog ko gafgow. SOMOL, gubin e rran ma gu ma piningem ma gu ma meybil ngom ni kug tining pa’ag ngalang.

Isaiah 21:4

I m’ag e balyang owcheg, ma gu be durru’ ko marus. Kagum’ ni bochan ni yigi papey nge blayal’, machane dariy ban’en ni yib kemus ni go’ marus.

Lamentations 2:11

Ke thow owcheg ko meyor; ni kari kireb lanin’ug. Kethay parwog ko meyor ni bochan e gafgow ko girdi’ rog. Bitir nge madway e yad be paraw nike ma’ gelingrad u lan e yupa’ i kanawo’ u lan fare binaw.