Psalms 37:20 - Bible Ni Thothup

²⁰ Ma pi’in kireb e yad ra yim’; pi to’ogor rok SOMOL e yad ra chuw ni bod e floras u fithik’ e pan; bay rm’aygad ngabang ni bod e ath.

Psalms 37:20 Σταυροειδείς Αναφορές

Genesis 19:28

Me changar nga daken e binaw nu Sodom ngu Gomorrah, nge re loway nem ni polo’, me guy e ath ni be yib u but’ ngalang, ni bod rogon ba tafen e nifiy ni ba ga’ ni be yib e ath riy ngalang.

Psalms 102:3

Yafos rog e be m’ay ngabang ni bod e ath; ma be mo’oruf dowag ni bod ba nifiy.

Psalms 68:2

Ni bod e ath nike un ko nifeng, e aram rogon nma tulufrad; ni bod rogon nma ranran e kindel u mit e nifiy, e aram rogon e pi’in kireb nra math owcharad u p’eowchen Got.

Psalms 68:3

Machane pi’in bmat’aw e ba felan’rad ni yad be felfelan’ u p’eowchen Got; yad be tolulnag e felfelan’.

Psalms 92:9

Gamad manang ni pi to’ogor rom e bay ra m’ad, ma gubin e pi’in kireb ni bay ra waergad.

Proverbs 2:22

Machane Got e bayi buk’liy e pi’in kireb ko fare nam me pug e pi tadenen nge chuweg riy ni bod e pan ni ka ni pug u but’.

Levitikus 3:16

Ma bagyad fapi prist e nge urfiy urngin e yungi n’ey u daken e altar ni ba ggan ni maligach ngak SOMOL ni rib fel’ u wan’. Urngin e mam riy nib milfan ngak SOMOL.

Luke 13:3

Danga’! Nggog ngomed ni fa’anra dab mu pi’ed keru’med ko kireb ni gimed be rin’, ma gimed gubin ni bay mm’ad ni bod yad.

Luke 13:5

Danga’! Nggog ngomed ni fa’anra dab mu pi’ed keru’med ko kireb ni gimed be rin’, ma gimed gubin ni bay mm’ad ni bod yad.”

Deuteronomy 29:20

Dabi n’ag Got fan rok e cha’ nra rin’ e biney. Ya damumuw rok SOMOL e ra daramram nib togopluw ngak, ma urungin e pi gafgow ni kan yoloy ngalan e re ke babyor ney e go’ ra aw ngak nge mada’ ko ngiyal’ ni ka ri thirif SOMOL facha’ u but’.

Hebrews 12:29

ya Got rodad e riyul’ nib nifiy nma urfiy ban’en.

2 Peter 2:12

Machane pi girdi’ ney e yad be ngongol ni n’en ni yad be ar’arnag e ir e be gagiyeg nagrad, ni bod rogon e gamanman ni malboch ni kan gargelegrad ni nge kolrad e girdi’ ngan li’rad; ma pi girdi’ nem e yad ma yog e thin nib kireb nga bogi ban’en ndar nanged fan. Ma bay nli’rad ngarm’ad ni bod rogon e gamanman ni malboch;

Judges 5:31

SOMOL, mange yigi yim’ urngin e pi to’ogor rom ni aram rogon, machane pi’in gab t’uf rorad e nge gal rama’erad ni bod e yal’ ni be yib ngalang! Ma aram me yib e gapas nga daken e nam ni aningeg i ragag e duw.