Psalms 37:12 - Bible Ni Thothup

¹² En nib kireb e ma makath nib togopluw ngak e en ni bfel’, ni be gatfiy lan mit ngak u fithik’ e fanenikan.

Psalms 37:12 Σταυροειδείς Αναφορές

Genesis 39:16

Me cha’riy fare mad nge mada’ ko ngiyal’ ni ba’aram nike sul e masta rok Josef nga tabinaw.

Ester 3:5

Nap’an ni nang Haman ni der ragbug Mordekai nga but’ nge siro’ ngak mri damumuw,

Ester 3:6

ma nap’an niki nang ni Mordekai e ba Jew me duwgiliy ni gathi go’ Mordekai e nge gechignag. Me leamnag ni nge thang mit gubin e Jew ni bay u tan e gagiyeg rok yu Persia.

Ester 5:13

Machane ri dariy ta’reb e pin’ey ni be fel’ u wun’ug, u n’umngin nap’an ni gu be guy e re Jew nem i Mordekai ni be yumum’ u langan e garog u tafen e pilung.”

Psalms 31:13

Gu be rung’ag e kathkath ko to’ogor ni yo’or; ke ingeg e morus ni gel. Yad be purpuruy’ nib togopluw ngog, yad be makath ni ngar thanged e fan rog.

Psalms 34:22

I SOMOL e ra ayuweg e pogofan rok e pi tapigpig rok; ma dabi gechignag e pi’in yad ra yan ngak ni ngar nafgad nga tan pa’.

Psalms 35:16

Ni bod e pi’in yad ma moningnag be’ nib mugutgut, yad be gatfeg owcharad ngog ni yad be fananikayeg.

Psalms 37:32

En nib kireb e ma yip’ owchen ngak e en ni bfel’, ni be guy rogon ni nge thang e fan rok;

Daniel 8:12

Me yin’ e denen luwan e pi maligach ni yima pi’ ni yu rran, ma bin riyul’ e pigpig e nin’ nga but’. Ma fare gagey e i mon’og urngin e tin ni i rin’.

Daniel 8:24

Bayi gel gelngin i yan, machane gathi ir e gelngin. Ba gel e mogothgoth ni bayi k’aring ma urngin e tin nra ngongliy mra yan i aw nga tagil’. Ba gel e gafgow ni bayi tay ngak e girdi’ nib gel, nge ngak e tirok Got e girdi’.

Mikah 2:1

Ke riya’ e pi’in dar mol owcharad i luguy nag e kireb! Ma ra yan i kadbul, nap’an ni yugu ra bung rogorad ni ngar rin’ed fapi kireb ni ur luguy niged, miyad rin’.

Matthew 26:16

Ma ka aram e ngiyal’ ni guy Judas rogon e ngiyal’ nra bung rogon ni nge yagnag Jesus.

Matthew 26:4

miyad puruy’nag rogon ni ngan kol Jesus ni dabi nang be’ ngan li’ ngem’.

1 Samuel 18:21

Me ga’ar u wan’, “Nggu pi’ Mikal ngak David; ya nge bannag nge yib e pi Filistine i li’ ngem’.” Irera’ e yay ni gaman e l’agruw yay ngay ni ga’ar Saul ngak David, “Bay mu le’engiy fakag.”