Psalms 36:7 - Bible Ni Thothup

⁷ A Got, rib th’ab feni fel’ e t’ufeg rom ni dabimus! Gamad be naf e girdi’ nga tan e taglul’ u pom.

Psalms 36:7 Σταυροειδείς Αναφορές

BABYOR NI JOB 37:23

Gelngin Got e rib gel ni dabyag ni ngad chugurgad ngak; ir e bmat’aw ma ba yal’uw rogon nma farwoliy e girdi’.

Psalms 139:17

A Got, rib mo’maw’ ni nggu nang fan e leam rom; ya pire’ ni bay!

Psalms 17:8

Mu ayuwegneg ni bod ni ga ma ayuweg e tir u marwam; mmithaggeg ko taglul’ u tan pom,

Psalms 31:19

Rib th’abi fel’ e tin ga ma cha’riy ni fen e pi’in yad ma liyor ngom! Go’ yimnang fanam gol, rib fel’ rogon ni ga ma ayuweg e pi’in nib pagan’rad ngom.

Psalms 57:1

A Got, nge wurngan’um ngog, ma ga runguyeg, ya kugub ngom ni nggu naf nga tan pa’am. taglul’ u tan pom e kug naf ngay nge taw ko ngiyal’ nike m’ay e yoko’.

Psalms 63:7

ya gur e gubin ngiyal’ ni ga be ayuwegneg. Tagalul’en pom e gu be tang riy u fithik’ e felfelan’.

Psalms 71:19

Got, fenam mat’aw e ke taw nga lanelang. Gur e kam rin’ bogi maang’ang; dariy be’ ni bod gur.

Psalms 86:15

Machane gur Somol e ga ba Got nri gama runguy ma bt’uf e girdi’ rom, gubin ngiyal’ ni ga ba gumaen’, gubin ngiyal’ ni ga ba gol ma ga ba yul’yul’.

Psalms 86:5

Gur e gab gol ngomad ma ga ma n’agfan u wun’um e kireb romad, ma gubin e pi’in yad ma meybil ngom e yad ba sug ko fare t’ufeg rom ni dabimus.

Psalms 91:4

Ra upunguyem nga pon; ga ra par u tan pa’ ni dabi buch ban’en rom; feni yul’yul’ e ra yororiyem me n’ufegem.

Exodus 34:6

Me th’ab SOMOL p’eowchen Moses me non ni ba ga’ laman ni ga’ar, “I Gag SOMOL, i gag ba Got ni gub sug ko murnguy mma kirban’ug, ma ba sowath ni gu ma damumuw ma gu ma dag e t’ufeg rog nib ga’ ma gub yul’yul’.

Luke 13:34

“Jerusalem, Jerusalem! Kam thang e pogofan rok e pi profet, ma kam malangnag e pi’in ni l’oegrad Got ngar feked e thin rok i yib ngom! Nge gaman e in yay ni kug guy rogon ni nggu kunuy urngin e girdi’ rom, ni bod ba alabal ni chugumiy pifak nga tan pon, machane da mpageg nggu rin’!

John 3:16

Ya Got e rib t’uf e girdi’ nu fayleng rok, ma aram me pi’ Fak ni kari maagirag rok nge yib, ni fan e nge urngin e pi’in ni michan’rad ngak e aram e dab kurm’ad, ya keyag e yafos ndariy n’umngin nap’an ngorad.

2 Peter 1:4

Ireray rogon nike tow’ath nagdad ko pin’en nib th’abi fel’ nike micheg ngodad, ya nge yag ngomed e tin ke weliy nra pi’ ngomed mi gimed thay ko ar’ar nma kireb nigey ni bay u roy u fayleng, me yag ngomed rarogon Got.

1 John 3:1

A mu guyed ngarogon fadad t’uf rok e en ni Chitamangiy! Rogon ni gadad bt’uf rok e ri ba ga’, ni aram tapgin ma kanog ni gadad pifak Got, ma riyul’ ni gadad pifak. Aram fan ni girdi’ nu fayleng e dar nanged gadad, ya dar nanged Got.

Ruth 2:12

Mang e yigi pi’ SOMOL puluwom ko tin ka mu rin’; mang e yigi pi’ SOMOL puluwom ni polo’, ni fare Got nu Israel, ni ir e ka mub ni ngam naf nga tan pa’!”