Psalms 35:4 - Bible Ni Thothup

⁴ Mang e yigi waer me ma’fan e pi’in yad be guy rogon ni ngar thanged e pogofan rog! Mang e yugu ra sulod nike wagagey lanin’rad yad e pi’in yad be makath nigeg!

Psalms 35:4 Σταυροειδείς Αναφορές

1 Kings 19:10

Me fulweg ni ga’ar, “SOMOL ni Got ni Gubin ma Rayag Rom, ka faram i yib ke mada’ ko chiney ni kemus ni gur e gu be pigpig ngom, machane girdi’ nu Israel e kar th’abed e m’ag u thilmed, ma kar buthuged e pi altar rom, ma kar thanged e pogofan rok urngin e pi profet rom. Kemus ni gag e kug magey, ma yad be guy rogon ni ngar thanged e pogofan rog.”

Psalms 129:5

Mang e yigi urngin e pi’in yad be fananikay yu Zion e ra waergad min tulufrad.

Psalms 35:26

Mang e yigi waer me wagagay lanyan’ e pi’in yad be felan’ ko gafgow ni kug tay; Mang e yigi polo’ i tamra’ me ma’fan e pi’in yad be yog ni yad bfel’ boch ngog.

Psalms 38:12

Pi’in yad ba’adag ni ngar thanged e fan rog e yad be tay e wup ni nggu aw ngay, ma pi’in yad ba’adag ni ngar maad’adgad ngog e yad be yog ni ngar gafgow nigedgag; darir talgad ko makath nib togopluw ngog.

Psalms 71:24

Bay ug weliy fanam yul’yul’ ni polo’ e rran, ni bochan e pi’in ur guyed rogon ni ngar maad’adgad ngog e ka ra mo’waergad nike ma’farad.

Psalms 83:18

Mang e yugur nanged ni kemus ni gur e SOMOL, ni gur fare tagagiyeg Nib Th’abi Tolang u polo’ e fayleng.

Isaiah 37:29

Ke thap babyoren e damumuw nge tolngan’ rom ngog, ma chiney e bay gu the’ ba lam nga p’ethngum nge bochyang i wasey ni bay gufan ngalan langam nge fulwegem ko re pa’ i kanawo’ ni mub riy.”

Jeremiah 46:5

SOMOL e fithrad ni ga’ar, “Mang e gu be guy? Miyad sul nga tomur u fithik’ e marus. Pi salthaw rorad e yibe pi’ i yan nga tomur; nike li’rad e marus, yad be mil ni kari mus macharnginrad ni darir sapgad nga tomur.

Ezekiel 13:19

Gimed be m’aynag fag u mit e girdi’ ni fan e nge yag buchu’uw e barley nge yoch yang e flowa ngomed. Gimed be thang e pogofan ko girdi’ ni dariy tapgin e yam’ ni ngar ted, mi gimed be pag e pi’in ni bay tapgin ni ngarm’ad ni yad ba fos. Ma gimed be sasalap l’ugun ko girdi’ rog ngi i mich u wan’rad e thin romed.”

Matthew 27:1

Ma kab kadbul me puruy’nag e pi tolang ko prist nge pi’in pi’ilal rok piyu Israel e n’en ni ir e nge togopluw ngak Jesus nge yag nli’ ngem’.

John 18:6

Ma nap’an ni ga’ar Jesus ngorad, “I gag ir,” miyad sul nga wuryal miyad thig nga but’.

1 Samuel 23:23

Mu gayed ngam pir’eged e yungi n’en nriyul’ ni i mith riy, ma dabisiy ni ngam fulweged e thin riy ngog ni papey. Ma aram e bay gu un ngomed, ma fa’anra kabay ko gi nug nem, ma bay gu tuluf nggu kol, ndemturug rogon machane gu ra gey u lane e re nam nem nu Judah ni ga’ngin.”