Psalms 35:1 - Bible Ni Thothup

¹ SOMOL, mu togopluw ngak e pi’in yad be togopluw ngog, ma ga cham ngak e pi’in yad be cham ngog!

Psalms 35:1 Σταυροειδείς Αναφορές

Nehemiah 4:20

Fa’an gimed ra rung’ag e yabul nike thow ni aram e keb e mael, ma ngam muulunggad ngog. Ya Got rodad e ir e bayi mael ni pa’dad.”

Psalms 119:154

Mu rungrunguyeg ko oloboch rog, ngam pithig u puluwog; mu ayuweg e pogofan rog, ni bod nim micheg.

Psalms 43:1

Got, mu gagiyeg ngan nang ndawor gu bucheg ban’en, ma ga ayuwegneg u pa’ e pi’in nde mich Got u wun’rad; mu ayuwegneg rok e girdi’ ni yad ma lifith l’ugunrad ma yad ba kireb!

Exodus 14:14

I SOMOL e bayi cham ni pa’med; dariy bochi ban’en ni ngam rin’ed.”

Exodus 14:25

I taleg e tayapyap ko chariot rorad ngi i mo’maw rogon e yan rorad, me ga’ar piyu Egypt, “Ngad milgad rok piyu Israel, ya be cham SOMOL ngodad ni pa’rad.”

Exodus 23:22

Machane fa’an gimed ra fal’eg e motoyil ngak mi gimed rin’ urngin ban’en ni kugog ni ngan rin’, ma aram e gu ra cham ngak urngin e to’ogor romed.

Proverbs 22:23

I SOMOL e bayi pithig e pa’ i oloboch ni bay u puluwrad me gafgownag e yafos ko en ni be gafgownag e yafos rorad.

Proverbs 23:11

Ya SOMOL nib gel e ir e ta’ayuw rorad u tafen e puf oloboch, ni ra togopluw ngom.

Isaiah 49:25

SOMOL e fulweg ni ga’ar, “Ri aram rogon ni bay nrin’. Pi kalbus ni bay u pa’ e pi salthaw e bay nchuweg u pa’rad, ma pin’en ni fek fa’anem nib yargel u fithik’ e mael e bay ni chuweg u pa’. Bay gu cham ngak e en nra cham ngom, ma bay gu chuweg pifakam u pa’ e to’ogor rorad.

Jeremiah 51:36

Ma aram me ga’ar SOMOL ngak e girdi’ nu Jerusalem, “Bay gu aywegmed mu gu sulweg taban ngak e pi to’ogor romed e n’en ni kar rin’ed ngomed. Bay gu mliknag e gin ma yib e ran nu Babylon riy nge pi lul’ riy ni go’ ra mlik.

Lamentations 3:58

“Somol, gur e mub mu lageg, ma ga ayweg e pogofan rog.

Mikah 7:9

Kad denen gad nib togopluw ngak SOMOL, ere chiney e thingar da lubeged e damumuw rok boch ngiyal’. Machane tomur riy e bayi n’uf dad me yal’uweg e pi kireb ni ka ni ngongliy ngodad. Bayi chuwegdad u fithik’ e lumor nge fekdad ko tamilang, gadad ra par ni gadad bfos nge taw ko ngiyal’ nikad guyed nike thapeg dad make mat’aw nagdad.

Acts 23:9

Ma aram me yan lamrad ngalang, ma boch e pi tamchib ko Motochiyel ni girdi’en e ba’ rok e pi Farise e ra sak’iygad ngalang ngar nonod nib gel nib togopluw ngak e pi Sadduse ni be lungurad, “Dawor gu pir’eged ban’en nike bucheg e re mo’on ney! Sana riyul’ nike non ba kan fa ba engel ngak!”

Acts 5:39

machane fa’anra Got e yib rok, ma dabiyag romed ni ngam gelgad ngorad. Ya gimed ra pir’eg ni gimed be cham ngak Got!” Me fol fare ulung ko tin ke yog Gamaliel.

Joshua 10:42

Gubin e pilung ntaferad e yu ngin’ey ni go’ gel Joshua ngorad me fekrad nge binaw rorad ni bochan e SOMOL ni Got rok yu Israel e be cham ni pa’ yu Israel.

1 Samuel 24:15

I SOMOL e bayi pufthin, me duwgiliy ko mini’ e arodow nib kireb. Mang e yigi changar nga fithik’ e re pa’ i oloboch ney, me yoror rog, me ayuwegneg u pa’am.”