Psalms 32:11 - Bible Ni Thothup

¹¹ Gimed e pi’in gimed mmat’aw, e nge felan’med mi gimed uf ni bochan e n’en ke rin’ SOMOL! Gimed e pi’in gimed be fol rok, e ngam tolul niged e felfelan’!

Psalms 32:11 Σταυροειδείς Αναφορές

Psalms 125:4

SOMOL, mu gol ngak e pi’in yad bfel’, ni pi’in yad be fol ko tin kamog ni ngan rin’.

Psalms 32:2

Ba felan’ e en ndakir yog SOMOL ngak ni be rin’ e kireb; ma kar waergow urngin mit e sabanban.

Psalms 33:1

Gimed urngin e pi’in gimed mmat’aw, e nge felan’med ni bochan e tin ke rin’ SOMOL; pi’in yad be fol rok, e ngar pininged e sorok ngak!

Psalms 5:11

Machane pi’in yad ma naf ngom e bay ra felfelan’gad; rayag ni gubin ngiyal’ ni ngu’ur tanggad ni yad bfelfelan’. Mu yororiy e pi’in ga ba t’uf rorad; ya bocham e aramfan ni yad bfelfelan’.

Psalms 64:10

Gubin e pi’in nib mat’aw e bay ra felfelan’gad ni bochan e n’en ke rin’ SOMOL. Ir e bay ra pir’eged e gapas rok; Gubin e girdi’ nib manigil e bay ra pininged e sorok ngak.

Psalms 68:3

Machane pi’in bmat’aw e ba felan’rad ni yad be felfelan’ u p’eowchen Got; yad be tolulnag e felfelan’.

Psalms 7:10

I Got e yoror rog; ma ayuweg e pi’in yad ma fol rok.

Psalms 97:1

I SOMOL e pilung! Fayleng, mu felfelan’! Ngam felfelan’gad e pi donguch u lan e day!

Psalms 97:12

Gimed urngin e pi’in gimed bmat’aw e nge felanmed ni bochan e n’en nike rin’ SOMOL! Mu leam niged e n’en ke rin’ Got nib thothup, mi gimed pining e magaer ngak.

Psalms 98:4

Polo’ e fayleng mu tangnaged e felfelan’ ngak SOMOL; mu pininged e sorok ngak ko pi tang, mi gimed garusnag e felfelan’!

Zekariah 4:7

Tin be magawon nigem nib ga’ ko pi burey e bayi ling u p’eowchem. Bay mu toy bayay fare Tempel, ma nap’an e ga ra ayliy e bin tomur e malang nga gil’, ma bay i tolul e girdi ni yad be ga’ar, ‘Rib fel’usun, rib fel’usun!’”

Roma 5:11

Machane gathi kemus aray; ya gadad be felfelan’ u fithik’ e pagan’ rodad ngak Got u daken e Somol rodad i Jesus Kristus, ni ir e ke ngongliydad e chiney kadmanged pi tafager rok Got.

Deuteronomy 12:12

Ma aram mu um felfelan’gad u p’eowchen SOMOL, ni gimed nge pifakmed, nge pi tapigpig romed, nge pi Levite ni yad be par u lan e pi binaw romed. Dab mpaged talin ni pi Levite e gathi bay ni pi’ e binaw ngorad ngar tafned.

Filippi 3:1

Me ere n’en ni nggu ning nga tungun e gi babyor ney e nge lungug: Pi walageg, nge pi’ Somol e felfelan’ ngomed. Der chalbag ngay ni nggu sul u daken e thin ni ka’a gu yoloy ko som’on, ya ra ayuwegmed ngu’um pired u pa’ Got.

Filippi 3:3

Ya gathi yad e picha’ nike yag e bin riyul’ e maad’ad ko dowef ngorad, ya gadad, ni bochan e gadad ma liyor ngak Got ma gadad ma meybil ngak u daken e Kan Nthothup rok, ma gadad be felfelan’ ko yafos ni yag ngodad u daken Kristus Jesus. Dabi pagan’dad nga yalen e tin yibe ngongliy nga wuru’ i dowdad.

Filippi 4:4

Gubin ngiyal’ ni ngu’um felfelan’gad ko ta’ab girdi’ ni kam ted Somol. Ere ngku gog bayay ni nge lungug: mu felfelan’gad!

1 Samuel 2:1

Irera’ e meybil rok Hannah: “I SOMOL e ke suguy ngorongoreg ko felfelan’; kari gu felfelan’ ko tin ke rin’. Ku gu minmin ngak e pi to’ogor rog; ku gu felfelan’ ya ke ayuwegneg Got.