Psalms 31:23 - Bible Ni Thothup

²³ Mu t’ufegned SOMOL, gimed gubin pi girdi’en ni gimed ba yul’yul’. SOMOL e ma yoror rok e pi’in ba yul’yul’, machane ma gechignag e pi’in tolangan’ nrogon ni nge aw ngorad.

Psalms 31:23 Σταυροειδείς Αναφορές

Psalms 145:10

SOMOL, urngin e tin kam sunumeg e bay ur pininged e sorok ngom, ma tirom e girdi’ e bay ur pininged e magaer ngom!

Psalms 145:20

Ma yoror rok urngin e pi’in nib t’uf rorad, machane ra thang e pogofan rok urngin e pi’in nib kireb.

Psalms 30:4

Ngan tangnag e sorok ngak SOMOL, gimed gubin e girdi’ rog nib yul’yul’ ngak! Mu ted u wan’med e n’en ke rin’ e En nib Thothup, migimed pining e magaer ngak!

Psalms 34:9

Gimed urngin e girdi’ rok SOMOL, e ngam pired ni bay madgun u wun’med; ya pi’in bay madgun u wun’rad e bay rorad urngin e tin nge yag ngorad.

Psalms 54:5

Mang e yigi cheleg Got e kireb rok e pi to’ogor rog nge aw ngorad. Ra thang owcharad ni bochan e ba yul’yul’.

Psalms 89:7

Ba ga’ madgum u lan e mu’ulung ko pi thothup, yad gubin ni yad ba sak’iy ni ka ra ngat’gad ngom.

Psalms 94:2

Gur e tapufthin romad ni gamad gubin; mu sak’iy ngam pi ngak e pi’in tolngan’ e n’en ni bay tapgin ni nge aw ngorad!

Psalms 97:10

I SOMOL e bt’uf rok e pi’in nib fananikay e kireb; mma ayuweg e yafos rok e girdi’ rok; ma chuwegrad u lan pa’ e pi’in kireb.

Isaiah 38:10

Gu leamnag ni bay gum’ ko ngiyal’ ni kari taw nga fel’ngin e yafos rog nggu wan ko fare fayleng ko yam’, ni dab gu par nge mus n’umngin e yafos rog.

Isaiah 56:6

Me ga’ar SOMOL ko pi girdi’ nu bang ni kar manged boch e girdi’ rok, nib t’uf rorad miyad ma pigpig ngak, ma yad ma tay fan e Sabbath miyad ba yul’yul’ ko fare m’ag rok:

Ezekiel 37:11

Me ga’ar Got ngog, “Fak e girdi’, girdi’ nu Israel e yad bod e pi yil ney. Yad be yog ni kar mlik’gad ndakuriy ban’en ni be l’agan’rad ngay, ma dakuriy farad.

Mark 12:23

Ere fa’anra ni faseg e pi’in karm’ad ko chirofen ni ngan faseg e yam’ riy, me mini’ e arorad nra mang fare pin leengin? Ya yad medlip nra leengiyed fare pin!”

Deuteronomy 10:12

“Gimed e girdi’ nu Israel, mang e ba’adag SOMOL ni Got romed? I SOMOL e ba’adag ni ngam liyorgad ngak mi gimed falwok rok, me t’uf romed mi gimed pigpig ngak u polo’ i gumircha’med ngu lanin’med,

Deuteronomy 30:16

Fa’anra um folgad ko tin keyog SOMOL ni Got romed ngomed ni ir e kug weliy ngomed e daba’, fa’anra t’uf SOMOL romed ma gimed be fol rok nge urngin e pi motochiyel rok ma aram e ra i fel’ rogomed mi gimed mang ba nam ni pire’ e girdi’ riy. I SOMOL ni Got romed e bay i ayuwegmed u lan e re nam ni ngam marod ngay ngam pired riy.

Deuteronomy 32:41

ni bay gu uthum e saydon rog nib galgal ram’en, mu gu pi’ e gechig nrogon. Bay gu fulweg taban e kireb ngak e pi to’ogor rog, ngug gechignag e pi’in ur fanenikayed gag.

Deuteronomy 33:3

SOMOL e rib t’uf e tirok e girdi’ rok, ma yoror rok e girdi’ nike mil farad ngak. Ere da parawgad nga but’ u to’oben e rifrif u ay, ma gadad fol ko tin keyog.

1 Thessalonika 4:1

Pi walagmad ni girdi’en Kristus, kabay aray ta’a ban’en, kam filed romad rogon ni ngu’um pired nib m’agan’ Got ko n’en ni gimed be rin’ ma bmuduwgil ni aray rogon ni gimed be par. Ere chiney e gamad be wenig ngomed ma gamad be ta’mad ngomed u fithingan Somol ni Jesus ni ngam athamgilgad boch.

Jude 1:1

Re babyor ney e yib rok Jude ni ir reb e tapigpig rok Jesus Kristus, ni be’ nib mo’on ni walagen James — Ngak e pi’in nike piningrad Got, ni yad be par ni yad bt’uf rok Got, ni ir e Chitamangiy, ma be yororiyrad Jesus Kristus:

Revelation 18:6

Mu rin’ed ngak ni bod nike rin’ ngomed, mu gechigniged ni l’agruw yay u gelngin e n’en ke rin’ ngomed. Mu suguyed e kap rok ko n’en ni yima unum nl’agruw yay ni kab gel ko n’en nike ngongliy rogon ni ngam unumed.

1 Samuel 2:9

“Girdi’ rok ni yad ba yul’yul’ ngak e ma ayuweg e pogofan rorad, ma pi’in kireb e yad ma m’ay ngabang u fithik’ e lumor; ya dabiyag ni nge gel be’ ko mael u gelngin.