Psalms 31:22 - Bible Ni Thothup

²² Gu rus mu gu leamnag nike chuwegeg u p’eowchen. Machane me rung’ag e meyor rog nnap’an ni gu pining ni nge ayuw.

Psalms 31:22 Σταυροειδείς Αναφορές

BABYOR NI JOB 35:14

Job, ga be yog ni damur guy Got; machane makdan’um ngam son — ya oloboch rom e bay u peowchen.

Psalms 116:11

ni mus ko ngiyal’ ni gu rus me lungug, “Dariy be’ ni nge pagan’uy ngak.”

Psalms 17:7

Mu dag fel’ngin e t’ufeg rom ma ga yororiyeg; ra gu bay u chirem ma dariy ban’en nrayag ni rin’ e to’ogor rog ngog.

Psalms 31:17

SOMOL, gu be piningem; dab mu pageg nge ma’fag. Nge mang e pi’in kireb e nge ma’farad; mang e ranod nib m’ath gulungrad i yan nga but’ ko fare fayleng ko yam’.

Psalms 6:9

be motoyil ko man ayuw ni gu be yornag ma bayi fulweg taban e meybil rog.

Psalms 66:20

Gu be pining e sorok ngak Got, ya de siyeg e meybil rog, ara tel rog fare t’ufeg rok ni dabimus!

Psalms 88:16

Mirin e damumuw rom e ke masengseng nigeg; pi cham rom e ke kal ngog.

Isaiah 49:14

Machane girdi’ nu Jerusalem e lungurad, “I SOMOL e ke n’agdad! Ke pag taldad.”

Isaiah 6:5

Me lungug, “Kug gafgow, ya ke muturug ni ngeb e gechig ngog! Urngin bugithin nra yib u l’ugunag nga but’ e ba sug ko denen, ma gu be par u fithik’ e girdi’ ni urngin bug e thin ni yad be yog e ba sug ko denen. Ma chiney e kuguy nga owcheg fare Pilung, ni SOMOL ni Gubin ma Rayag Rok!”

Ezekiel 37:11

Me ga’ar Got ngog, “Fak e girdi’, girdi’ nu Israel e yad bod e pi yil ney. Yad be yog ni kar mlik’gad ndakuriy ban’en ni be l’agan’rad ngay, ma dakuriy farad.

Jonah 2:4

Ma aram mug ga’ar, “Kan tharbageg u p’eowchem; gur ku ra gguy bayay e Tempel rom nib thothup?

Luke 11:10

Ya gubin e girdi’ ni yad ra ning ban’en e ra yag ngorad, ma en nra gayiy ban’en e ra pir’eg, ma mab e yira bing ngak e en nra tugtuguy.

Hebrews 5:7

Nap’an ni immoy Jesus u roy u fayleng me meybil ni wenig ngak Got ni ba ga’ laman u fithik’ e lu’, ya ir e rayag rok ni nge tay Jesus ni dabi yim’. Ma bochan e ba sobut’ laniyan’ ma rib m’agan’ ngay ni ngi i fol rok Got, ma aram fan ni fulweg Got taban e meybil rok.

1 Samuel 23:26

Me taw Saul nge pi salthaw rok nga barba’ fare burey, me David nge salthaw rok e yad bay u barba’. Miyad be gur ni ngar milgad rok Saul nge salthaw rok, ni arme karbad i yib ngorad nike chuchugur ni ngan kolrad.

1 Samuel 25:32

Me ga’ar David ngak fare pin, “Ngu’un pining e sorok ngak SOMOL, ni Got rok yu Israel, nike pi’em e daba’ ni ngad mada’gow!

1 Samuel 27:1

Me ga’ar David u wan’, “Bayi reb e rran me li’eg Saul nggum’. N’en th’abi bfel’ ni nggu rin’ e ngug mil nga Filistia. Ma aram me pageg Saul ndabki changar nigeg u Israel, mug par ndariy ban’en nra buch rog.”