Psalms 31:2 - Bible Ni Thothup

² Mmotoyil ngog! Mu ayuwegneg e chiney! Mu mang manaf rog ngam ayuwegneg; mmang rungrung ngog ngam yororiyeg!

Psalms 31:2 Σταυροειδείς Αναφορές

2 Samuel 22:3

Got rog e ir e manaf rog, gu be par rok ndabi buch ban’en rog; ma yoror rog ni bod bangi shield nma fek e salthaw ngu’ur mithgad nga fon ko mael; ma par rog ndabi buch ban’en rog. Ir e ma ayuweg e pogofan rog; ma ayuwegneg ko ngiyal’ nike yib e cham ngog.

BABYOR NI JOB 7:21

Dakriy bi’id ni ga ra n’ag fan e denen rog? Dab ku mu na’g u wun’um e kireb rog? Dabki n’uw nap’an mu gu wan nga low rog, ma bay um sap nigeg ma ku gu thumur.

Psalms 102:2

Nap’an nra yib e oloboch ngog, ma dab mu pi’ keru’um ngog! Mu telim ngog, ngiyal’ ni gu ra piningem ma ga fulweg lungug nib papey!

Psalms 130:2

Somol, mu rung’ag lamag, mmotoyil nga lamag ni gu be wenig ngom ni ngam ayuwegneg!

Psalms 143:7

SOMOL, mu non ngog e chiney! Ka ri mulan’ug. Dab mmithagem rog, ya rug un u fithik’ e pi’in nge yan nga’ar ko fayleng ko yam’.

Psalms 25:2

gu be par nib pagan’ug ngom, ya gur e Got rog. Mu ayuwegneg nge dab gu waer nge siy gu tamra’; dab mpag e to’ogor rog ngar giriggad ngog!

Psalms 40:17

I gag e gub me’waer ndabiyag ni gu ayuwegneg, machane gur Somol e ga be leam nigeg. I gur e ta’ayuw rog ma Got rog, mu gur nag e ayuw rom ngog!

Psalms 62:7

I Got e ir e ke ayuwegneg ma ke gagiyegnag kan tayfag; Ir fare yoror rog nib gel; ma ir e manaf rog.

Psalms 69:17

Dab mmithegem rok e tapigpig rom; ku gu par nga fithik’ e oloboch nib gel, mu fulweg taban e meybil rog e chiney!

Psalms 7:2

ya ra dangay, ma bay ra fekedgag ni bod ba gamanman ni layon ko gin ndariy be’ riy ni nge ayuwegneg, ngar popofedgag u rom.

Psalms 79:1

A Got, ke yib boch e nam ni mael ngak e nam rom. Kar ta’ay niged fare Tempel rom nib thothup ma kar paged yu Jerusalem nike mogothgoth.

Psalms 86:1

SOMOL, mu telim ngog, ngam fulweg lungug, ya dariy ban’en nrayag rog ma gub me’waer.

Psalms 90:1

Somol, gubin ngiyal’ ni gur e tabnaw ngomad.

Psalms 91:9

Ni bochan e kam pag fam ngak SOMOL ni ir e ngi i n’ufegem, ni Ir e Th’abi Tolang nma yoror rom,

Psalms 94:22

Machane SOMOL e n’ufegeg; Got rog e be yoror rog.

Proverbs 22:17

Motoyil, nggu fil ngom e tin ni yog e pi’in gonop. Mu fil e machib rorad,

Isaiah 33:16

Ma aram e dabi buch ban’en romed; bay mu pired ni gimed ba muduwgil ni bod rogon ni gimed bay u ba lan e gin kan yororiy ni fan ko mael. Bay u mu pired ni bay e ggan ni gimed ra kay nge ran ni gimed ra garbod ngay.

Luke 18:8

Nggog ngomed nra turguy ni nge ayuwegrad me rin’ nib papey. Machane ra sul e en ni Fak e Girdi’ ma gur ra pir’eg e girdi’ nu fayleng ni yad be par ni kab michan’rad ngak?”

John 6:56

En nra kay e ufin u dowag me unum racha’eg e be par u fithik’ag ma gu be par u fithik’ fa’anem.

Deuteronomy 32:31

Pi to’ogor rorad e manang ni tirorad e got e ba waer, dar gelgad ni bod rogon e Got rok yu Israel.

1 John 4:12

Dariy be’ ni ka’a guy Got; ma fa’anra bagadad ma ba t’uf rok bagadad, ma aram e be par Got u fithik’dad, ma rogon ni gadad ba t’uf rok nike af ngodad e ke ilal u fithik’dad ke yan i aw ngarogon ni kari fel’.