Psalms 31:13 - Bible Ni Thothup

¹³ Gu be rung’ag e kathkath ko to’ogor ni yo’or; ke ingeg e morus ni gel. Yad be purpuruy’ nib togopluw ngog, yad be makath ni ngar thanged e fan rog.

Psalms 31:13 Σταυροειδείς Αναφορές

Genesis 40:23

Machane fa’anem nma pu’og e wayin ngalan e kap rok Farao e daki leamnag Josef — ke pag talin murung’agen.

Psalms 101:5

Bay gu n’ag e en nma gungun’nag be’ nga dalib, Dabi k’adan’ug rok be’ nib tolngan’ ma ba ufanthin.

Psalms 55:10

ni be liyeg ni rran nge nep’, ma be suguy ko oloboch nge wagagay.

Psalms 57:4

Ke liyegeg e pi to’ogor, ni yad bod e layon nib talonguy e girdi’. Nguwelrad e bod bogi sarey nge gan e gat’ing; ma bolowtherad e bod yungi saydon nib m’uth.

Jeremiah 11:19

Gu bod rogon ba saf nib sumnguy nni pow’iy i yan ni ngan li’ nge yim’, dagnang ni gag e yad be tanomnag e kireb ni nge togopluw ngog. Ra ga’argad, “Ngad thab’ed e re ke gek’iy ney nga but’ ni kabay wom’ngin; ngad thanged owchen nge par ni dakriy be’ ni ku ra yib wuran ngan’ bi’id.”

Jeremiah 20:10

Gu ma rung’ag laman e girdi’ ni pire’ ni yad ma kathkath, ni be lungurad, “Gafgow nib gel e bay u gubin yang! Ere ngad eg niged e cha’nir ko pilung!” Mus ngak e pi’in nri gamad ba pach ni yad be sonnag ni yiggu thor. Be lungurad, “Sana rayag ni ngan bannag, me yag nda koled ngad fulweged taban ngak e tin ni be yog.”

Jeremiah 6:25

Dabi math’ madgun romad ni nggu warod nga wuru’ e binaw, ara ug warod u lan e yu pa’ i kanawo’; ya pi to’ogor romad e ka ra feked talin e cham kar pired, ma ke th’abmad e marus.”

Lamentations 2:22

Mu pining e to’ogor rog nga ba madnom ko k’ar marus u to’obeg i yan, Ma dariy be’ nrayag ni nge thay nge mil u fithik’ e damumuw rom e rofen nem. Kar thanged e pogofan rok pifakag, ni ug chugliyrad ni yad ba t’uf rog.

Matthew 26:59

Ma aram me gay e pi tolang ko prist nge urngin e girdi’ u lan fare ulung e mich rorad ni nge togopluw ngak Jesus, ni bochan e nge yag nli’ ngem’;

Matthew 27:1

Ma kab kadbul me puruy’nag e pi tolang ko prist nge pi’in pi’ilal rok piyu Israel e n’en ni ir e nge togopluw ngak Jesus nge yag nli’ ngem’.

Luke 23:5

Machane miyad towasor ngak nike gel merin ni be lungurad, “Machib rok e be k’aring e wagey u fithik’ e girdi’. I tabab u lan yu Galile, me yan u lan yu Judea ni polo’, ma ke taw ngaray e chiney.”

1 Samuel 20:33

Me pag Saul e sarey rok ngak Jonathan nike finey ni nge li’ ngem’, me nang Jonathan nike turguy e chitamngin u wan’ ni nge thang e pogofan rok David.

1 Samuel 24:9

me ga’ar, “Mangfan ni ga be motoyil ngak e pi’in yad be yog ngom ni gu be guy rogon ni nggu rin’ ban’en ngom?