Psalms 28:4 - Bible Ni Thothup

⁴ Mu gechig nagrad ni fan ko n’en karin’ed, ni fapi kireb ni kar ngongoliyed. Mu gechig nagrad ko gubin e ngongol rorad; mu gechig nagrad ni rogon ni nge aw ngorad!

Psalms 28:4 Σταυροειδείς Αναφορές

2 Samuel 3:39

Yug aray rogon ni gag e pilung nike mel’egeg Got, ma kug thamiy ni kug me’waer e daba’. Pi pumo’on ney ni pifak Zeruyah e kay gur tharthargad. Mang e yigi gechignag SOMOL e pi girdi’ ni kireb ney nib m’ag nga rogon e kireb rorad!”

Ezra 9:13

Machane nga tomuren urngin e n’en ke buch romad ni gechig ko denen nge kireb romad, ma gamad manang ni gur, ni Got romad, e ka mu gechig nagmad nib waer mirin nga rogon ni susuna nge aw ngomad, ma ka mu taymad ni kagmad bfos.

Psalms 103:10

Der ma gechig nagdad nrogon nsusun e nge aw ngodad, ara fulweg puluwon e denen nge kireb rodad nrogon.

Psalms 21:10

Dariy ta’reb e pi’in owcharad nra fos, fare pilung e ra li’rad ni yad gubin.

Psalms 5:10

Got, mu bucheg wa’athrad ma ga gechig nagrad; mang e yug ra awgad ko pi makath rorad. Mu chuwegrad u p’eowchem ni bochan e ba pire’ e denen rorad nge togopluw ni yad be tay ngom.

Psalms 62:12

ma fare t’ufeg rog e dabimus. A Somol, i gur e ga ma pi’ puluwon urngin e girdi’ nib m’ag ko ngongol rorad.

Lamentations 3:64

“SOMOL, mu gechig nagrad ko tin karrin’ed.

Ezekiel 38:10

Irera’ e n’en ni be yog SOMOL ni Th’abi Tolang ngak Gog: “Nap’an nrataw ko ngiyal’ i n’em ma bay mu tabab i tanomnag e kireb.

Roma 11:22

Ren’ey e be dag ngodad feni gol Got nge feni gel e thin rok. Ba gel e thin rok ngak e pi’in kar mulgad, machane ba gol ngom — ni fa’anra um par u fithik’ e gol rok; ma fa’anra dab mu par, ma ku errogon gur ni bayi t’arem nge n’igem.

2 Timothy 4:14

I Alexander nma maruwel ko wasey e ba gel e kireb nike rin’ ngog; mi Somol e bayi pi’ puluwon ngak nrogon e tin ke ngongliy.

Revelation 18:6

Mu rin’ed ngak ni bod nike rin’ ngomed, mu gechigniged ni l’agruw yay u gelngin e n’en ke rin’ ngomed. Mu suguyed e kap rok ko n’en ni yima unum nl’agruw yay ni kab gel ko n’en nike ngongliy rogon ni ngam unumed.

Revelation 22:12

Be ga’ar Jesus, “Mu telim! Dabki n’uw nap’an mu gub! Ma bay gu fek puluwon e girdi’ i yib nra be’ ma bay gu pi’ puluwon ni be yan u rogon e n’en ni i rin’.