Psalms 28:3 - Bible Ni Thothup

³ Dab mu unegeg ko pi’in kireb ngam gechig nigeg, ni pi’in yad ma ngongoliy e kireb nib sumunguy e thin rorad, machane ba sug lanin’rad ko fananikan.

Psalms 28:3 Σταυροειδείς Αναφορές

Psalms 10:14

Machane ga be guy; ga be yaliy e oloboch nge gafgow ma urngin ngiyal’ ni ka mu fal’eg rogom ni ngam pi’ e ayuw. Pi’in dabyag rorad ni ngar ayuwegedyad e ka ra pi’edyad nga pa’am; gubin ngiyal ni ga ma ayweg e pi’in ni ba t’uf e ayuw rorad.

Psalms 10:7

Welthin rorad e ba sug ko yaba’, nge ban, nge thin ni yargal; ma ba papey ni yad ma yog e thin nra kirebnag lanyan’ be’, nge thin ni kireb.

Psalms 12:2

Yad gubin ni yad be ban nigedyad; yad be pi’rad ngalang ko thin.

Psalms 141:4

Mu talegneg ni dab kug adag ni nggu rin’ e kireb ara nggu’un ko pi’in kireb e leam rorad ko ngongol rorad ni kireb. Mang e yigi dab gu un nga ban’en ko modnam rorad.

Psalms 26:9

Dab mu unegeg ko pi tadenen ngam thang owchamad; mu teg u orel rok e pi’in tathang e pogofan —

Psalms 36:4

Ma t’ar liyben e tin kireb nnap’an nra thig nga chob; dariy ban’en ni bfel’ nma rin’, ma dariy reb e kireb ni dar l’eg pa’ ngay.

Psalms 52:1

Mang ni ga be uf ko kireb rom, gur e en ni yargel? Feni yul’yul’ Got e dariy n’umngin nap’an.

Psalms 55:21

Thin rok e ba munguy ko che’, ma gumircha’en e ba sug ko fananikay; thin rok e bod feni sumnguy e gapgep, machane ma th’abey ni bod yungi saydon nib m’uth.

Psalms 62:4

Kemus ni gimed ba’adag ni ngam girngiyed nga but’ u tagil’ nib gil; ma bfel’ u wan’med e sasalap. Gimed ma yog e thin ni fel’faen, machane lanin’med e be gernagey.

Psalms 7:14

Amguy rogon nma leamnag e girdi’ ni kireb e tin tagan; yad ma tanomnag e oloboch miyad rin’ e sasalap.

Mikah 3:5

Girdi’ e ke ban nagrad e pi profet ni yad be micheg e gapas ngak e pi’in yad be pi’ e salpiy ngorad, ma yad be yog ni bay yib e mael ngak e pi’in ndarir pi’ed e salpiy ngorad. Pi profet ney e be ga’ar SOMOL ngorad,

Numbers 16:26

Me ga’ar Moses ngak fapi girdi’ ni gubin, “Mpaloggad ko pi Tent rok e pi pumo’on ney ni yad ba kireb, ma dab kum mathgad nga ban’en ni ferad. Ya ra dangay, ma yira dachuguymed ngorad ngan thang e pogofan romed ni fan ko denen rorad.”

Matthew 25:41

“Ma bayi ga’ar ko pi’in yad bay u ba’ ni gilay’ rok: ‘Gimed e picha’ ni be’er nike kirebnag Got wa’athmed, mmarod ngam chuwgad rog! Mmarod ko fare nifiy ni dabi math bi’id ni kan ngongliy rogon kan tay ni fan ngak mo’onyan’ nge pi engel rok!

Matthew 25:46

Ere picha’ ney e bay ni pi’rad ko gechig ndariy n’umngin nap’an; ma pi’in yad bmat’aw e bay ranod ko yafos ndariy n’umngin nap’an.”