Psalms 28:2 - Bible Ni Thothup

² Mu rung’ag lungug u nap’an ni gu ra man ayuw ngom, ko ngiyal’ ni ku gu chibiy pa’ag ngalang ko Tempel rom nib thothup.

Psalms 28:2 Σταυροειδείς Αναφορές

1 Kings 6:19

Fare senggil ni Th’abi Thothup ni bay ko ba’ ni tabgul, e aram e gin ni un tay fare Kahol ko M’ag rok SOMOL ngay.

1 Kings 6:5

Mi ni ngongliy e senggil nib wup’ ko rungrung ko tempel, ni ruw raba’ e tempel ni bay riy nge ba ley e tempel. Pi senggil nem e dalip thal, ra ba thal ma medlip nge baley e fit tolngin.

1 Kings 8:38

ma ngam motoyil ko meybil rorad. Ma ra bay e girdi’ rom nu Israel nike kalngan’ miyad pug pa’rad ngalang ni yad ba sap ko re Tempel ney ngar meybilgad,

2 Kronicles 6:13

I Solomon e ngongliy bang i fang ko bronze nge tay nga lukngun fare yoror. Re gi fang nem e meruk e fit n’umngin nge radan ma lal e fit tolngin. Me yan Solomon nga daken fare gi fang me ragbug nga but’ ko gin nra guy e girdi’ ni gubin riy, me pug pa’ ngalang nruw raba’.)

Psalms 125:5

Machane nap’an ni ga ra gechignag e pi’in kireb, mu kum gechignag boch e pi’in ka ra paged e pi kanawo’ rom. Nge par e gapas u lan yu Israel!

Psalms 130:2

Somol, mu rung’ag lamag, mmotoyil nga lamag ni gu be wenig ngom ni ngam ayuwegneg!

Psalms 134:2

Mu chibiyed pa’med ngalang ngam meybilgad u lan e Tempel, ngam pininged e sorok ngak SOMOL!

Psalms 138:2

Gub sap ko Tempel rom ni thothup, ni gu be siro’, ma gu be pining e sorok nga fithingam ni bochan e t’ufeg rom ni dabimus nge fanam yul’yul’, ni bochan kam dag ni fithingam nge tin kamog ni ngan rin’ e ba mathangeluwol.

Psalms 140:6

Me lungug ngak SOMOL, “I gur e Got rog.” SOMOL, murung’ag e meyor rog ni gu be man ayuw!

Psalms 141:1

SOMOL, gu be piningem; mu ayuwegneg e chiney! mu telim ngog nnap’an ni gu be piningem.

Psalms 141:2

Nge fel’ u wun’um e meybil rog ni bod e incense, nge pa’ag ni kug tining ngalang ni bod ba maligach ni blayal’.

Psalms 143:6

Gu be meybil ngom ni kug tining pa’ag ngalang; lanin’ug e ke balel ni be fineyem ni bod e but’ nike mlik’.

Psalms 5:7

Ma bochan ga’ngin e t’ufeg rom ma ke yag ni gub nga naun rom; ma ke yag ni nggu’un ko liyor u lan e Tempel rom nib thothup nggu siro’ ngom u fithik’ e liyor.

Psalms 63:4

Bay ug pining e magaer ngom u n’umngin nap’an e yafos rog; bay gu pug pa’ag ngalang nggu meybil ngom.

Lamentations 2:19

Numngin e nep’ ni ngu’um od bayay nge bayay ngu’um yor ngalang ngak Somol; Ni ga be pu’og lanin’um nga but’ ma ga be wenig ngak ni nge wurngan’ nga daken pifakam — Pi bitir ni be li’ e mak’iy u gubin e pi tam’ing ko kanawo’!

Daniel 6:10

Fa’ani nang Daniel ni kan sayin ko fare gi babyor, me yan nga tabinaw. Ma bay ba senggil ko thal ni lang ko naun rok nib sap e winda riy nga Jerusalem. Bod ni ku ma rin’ ni gubin e rran, ma garbug nga but’ u langan e winda rok nib mab nge meybil ngak Got ni dalip yay u reb e rran.

Daniel 6:11

Me guy fapi girdi’ Daniel ni be meybil ngak Got,

1 Timothy 2:8

Gubin yang ni yira mu’ulung ngay ma gub adag ni pumo’on e nge meybil riy, ni pumo’on ni kar pi’ed yad nga pa’ Got mrayag ni ngar puged pa’rad ngalang ngar meybilgad ndarir damumuwgad ara yad be tugthin.