Psalms 27:3 - Bible Ni Thothup

³ Ni yug ra longobiyeg baraba’ i salthaw, ma dab gu rus; ni ku yad ra cham ngog, ma gu ra par ni kab pagan’ug ngak Got.

Psalms 27:3 Σταυροειδείς Αναφορές

2 Kronicles 20:15

Me ga’ar Jahaziel, “Gur e en Pilung nge gimed gubin e girdi’ nu Judah ngu Jerusalem, be ga’ar SOMOL e thingar dabi mulan’med ara mu rusgad ni ngam chamgad ngak fare raba’ i salthaw nib ga’. Re mael ney e ba milfan ngak Got, gathi gimed.

BABYOR NI JOB 4:6

Um par ni ga be liyor ngak Got, ndariy thibngim, ere thangri pagan’um me l’agan’um ngak.

Psalms 112:7

Der marus nra rung’ag e tin ke buch ban’en; ba gel e michan’ rok, mma pagan’ ngak SOMOL.

Psalms 3:6

Da gu rus ko yu biyu’ i to’ogor ni yad ba liyegeg u ga’ngin yang.

Psalms 3:7

SOMOL, ni Got rog moy ngam ayuwegneg! Mu gechignag urngin e pi to’ogor rog, ngam pagrad nike m’ay gelingrad ni dabkiyag ni ngar maad’adgad ngog.

Psalms 52:6

Pi’in nib mat’aw e bay ra guyed e ran’ey miyad rus; ma aram e bay ra garus niged gur me lungurad,

Filippi 1:28

Ri dab mu rusgad ngak e pi to’ogor romed; ma nge athamgil lanin’med ni gubin ngiyal’, ireray e ren’en nra micheg ngorad ni bay ra waergad, ma gimed e bay mu gelgad, ya Got e ir e bayi ayuwegmed ngam gelgad!

1 Peter 3:14

Machane fa’anra ngam gafgowgad ni fan e gimed be rin’ e tin nib mat’aw, ma ri gimed ra felfelan’! Dab mu tamdaggad ngak e girdi’, ma dabi magafan’med.

Revelation 2:10

Dab mu rus ko n’en ni bay mu gafgow riy. Mmotoyil ngog! I mo’onyan’ e bayi sikengnagmed ya bayi gagiyegnag nga nin’ boch i gimed nga kalbus; ma gafgow ni nge yib ngomed e bayi par ni ragag e rran. Ere ngam yul’yul’ ngog ni mus ni fa’anra ngan thang e fan rom, ma aram mu gu pi’ e te’eliyaw ko yafos ngom.

1 Samuel 19:8

Miki mael piyu Israel nge pi Filistine bayay. Me mael David ngorad nge li’rad nrib gel e gafgow ni tay ngorad, miyad pigichel ngar milgad.