Psalms 25:7 - Bible Ni Thothup

⁷ Mu n’ag fan u wun’um e pi denen rog nge tin ug oloboch riy ko ngiyal’ ni ku gub pagel; SOMOL, dab mu pag tilig, ya ga ba gol ma t’ufeg rom e dabimus!

Psalms 25:7 Σταυροειδείς Αναφορές

BABYOR NI JOB 13:26

Ka mu tay nga babyor urngin e kireb rog, ni mus ko pin’en ni u gu rin’ ni ku gub pagel.

BABYOR NI JOB 20:11

Downgin e immoy ni kab pagel ma ba gel, machane dabi n’uw nap’an ma bayi ngal’ ni ab.

Psalms 106:3

Nge felan’ e pi’in yad be fol ko tin keyog, pi’in gubin ngiyal’ ma yad ma rin’ e tin ni bfel’.

Psalms 106:4

SOMOL, dab mu pagtalig ko ngiyal’ ni ga ra ayuweg e girdi’ rom, mu unegeg ngorad nnap’an ni ga ra ayuwegrad.

Psalms 109:14

Mang e yigi yib ngan’ SOMOL e kireb rok e pi ga’ rok kakrom, me pag ni dabi n’agfan e denen rok e chitiningin bi’id.

Psalms 109:16

Ya re mo’on nem e da i yib ngan’ ni nge gol’; I gafgownag ma be thang e pogofan rok e pi’in gafgow, nge pi’in bt’uf e ayuw rorad, nge pi’in ni dabyag ni ngar ayuwegedyad.

Psalms 109:26

A SOMOL ni Got rog, mu ayuwegneg; ni bochan fare t’ufeg rom ni dabimus, mu ayuweg e pogofan rog!

Psalms 119:124

Mu ayuwegneg ni rogon fare t’ufeg rom ni dabimus, ma ga fil ngog e tin kamog ni ngan rin’.

Psalms 31:16

Mu changar ko tapigpig rom u fithik’ e runguy rom; mu aywegeg u fithik’ e t’ufeg rom ni dabimus.

Psalms 51:1

A Got, nge wurengan’um ngog, ni bochan e t’ufeg rom ni dabimus; mu chuweg e denen rog, ya ba ga’ e runguy rom!

Psalms 6:4

SOMOL, moy ngam ayuwegneg; u fithik’ e runguy rom e ngam lageg riy ko yam’.

Psalms 79:8

Dab mu gechig nagmad ni bochan e pi denen ko pi chitamangimad kakrom. Mu runguymad e chiney; ya dakriy e lagan’ romad ngabang.

Isaiah 38:17

Buchbuchan’ rog e bayi pilyeg nge ngal’ ni gapas. Gur e ka mu ayweg e pogofan rog u fithik’ gubin e riya’; kamn’ag machan gubin e denen rog u wun’um.

Isaiah 43:25

“Machane Gag fare Got ni gu ma chuweg e denen romed, ma gu ma rin’ ni bochan e Gag e En ni Gag. Dab kug leamnag e denen romed.

Isaiah 48:11

N’en ni gu be rin’ e ku gu rin’ ni fan ngog — dab gu pag fithingag ngan m’aynag fan ara gu pag be’ nge fanay boch bugwag nib milfan ngog ni go’ gag ngay.”

Isaiah 64:9

ere dab kum damumuw ngomad nge pag rogon, ara mu leamnag e denen romad ndariy n’umngin nap’an. Gamad e girdi’ rom; mu runguymad.

Jeremiah 3:25

Thingar da thiggad nga but’ u fithik’ e tamra’ nge mang m’ayfan rodad e upnguydad. Gadad nge pi chitamangidad kakrom e gubin ngiyal’ ni u da denengad nib togopluw ngak SOMOL ni Got rodad, ni da ud folgad ko tin ni yog.”

Jeremiah 31:34

Ma dakuriy bagayad ni nge machibnag bagayad, ma dakuriy bagayad ni nge weliy e thin ngak bagayad ni nge ga’ar, ‘Ngam nang SOMOL.’ Yad gubin ni bay ra nanged gag ni mus rok e en nth’abi sobut’ nge mada’ ngak e en nth’abi tolang rorad. Bay gu n’ag fan e denen rorad u wun’ug ma dab ku gu leamnag e kireb ni kar ngongliyed. I Gag SOMOL e kugog e pi thin ney.”

John 5:14

Ma fa’ani ta’aboch me pir’eg Jesus fare mo’on u lan e Tempel me ga’ar ngak, “Mu sap, chiney e kam gol ko liliy rom. Mpag e denen ni ga be rin’, ya ri yib ban’en ngom ni kab gel e gafgow riy.”

John 5:5

Ma bay be’ nib mo’on ko gin’em ni guyey nge meruk e duw nap’an e m’ar rok.

Hebrews 8:12

Ma bay gu runguyrad mugu n’ag fan e pi kireb ni kar ngongliyed, ma bay gu n’ag u wun’ug e pi denen rorad.”