Psalms 25:2 - Bible Ni Thothup

² gu be par nib pagan’ug ngom, ya gur e Got rog. Mu ayuwegneg nge dab gu waer nge siy gu tamra’; dab mpag e to’ogor rog ngar giriggad ngog!

Psalms 25:2 Σταυροειδείς Αναφορές

2 Kronicles 13:18

Ma aram e girdi’ nu Judah e ka ra gelgad ngak piyu Israel, ni bochan e ra gifgad ngak SOMOL ni Got rok e pi chitamngirad.

Psalms 13:5

Kug toer ko t’ufeg rom ni dabimus; Bay gu felan’, ni bochan e ga ra chuwegeg u pa’rad.

Psalms 142:6

Mu telim ngog ni gu be ning e ayuw, ya kar gu bilig t’ay e gafgow! Mu ayuwegneg u pa’ e to’ogor rog; ya dabyag gelingrad rog.

Psalms 18:2

SOMOL e ir e ta’ayuw rog; I ir e yoror rog nib gel. Got rog e ir e yoror rog, mra gu bay rok ma dariy ban’en nra buch rog. Ma yororiyeg ni bod bangi shield; Ir e manaf rog ma be guyeg ndabi buch ban’en rog.

Psalms 22:1

Got rog, Got rog, mang ni kam n’igeg? Kari gu wenig ngom u fithik’ e gel’gel’ ni ngam ayuwegneg, ma ka dawori taw e ayuw rom ngog!

Psalms 22:5

Rpininged gur miyad thay ko riya’; I pagan’rad ngom ma de m’ingan’rad.

Psalms 22:8

“Kam gif ngak SOMOL, ere mang ndabi ayuwegnem? Fa’anra ga bfel’ u wan’ SOMOL, me ere mang ndabi ayuwegnem?”

Psalms 31:1

SOMOL, ku gub ngom ni ngam yororiyeg; dab mu pageg bangiyal’ nggu waer. Gur e ga ba Got nib mat’aw; gu be meybil ni ngam ayuwegneg!

Psalms 31:15

Gubin ngiyal’ ni gu bay u lan pa’am; mu chuwegeg u pa’ e pi to’ogor rog, ni pi’in yad be gafgow nigeg.

Psalms 31:2

Mmotoyil ngog! Mu ayuwegneg e chiney! Mu mang manaf rog ngam ayuwegneg; mmang rungrung ngog ngam yororiyeg!

Psalms 34:8

Mu gay ngam pir’eg feni manigil SOMOL. Ba felan’ e cha’ ni be naf nga tan pa’!

Psalms 37:40

I SOMOL e ma ayuwegrad nge lufrad u pa’ e pi’in kireb, ni bochan e ranod ngak ni nge mang manaf rorad.

Psalms 41:11

Ra dabiyag ni gel e pi to’ogor rog ngog, ma aram e bay gu nang ni kug fel’ u wun’um.

Psalms 56:1

A Got, nge wurengan’um ngog, ya ke yib e cham ngog; pi to’ogor rog e yad be gafgow nigeg ni gubin ngiyal’.

Psalms 7:1

SOMOL ni Got rog, ku gub ngom ni ngam mang rungrung ngog; mu ayuwegneg ma ga fekeg u pa’ e pi’in yad be tulfeg,

Psalms 71:1

SOMOL, kugub ngom ni ngam yoror rog; dab mu pageg bingyal’ nggu waer’!

Psalms 91:2

e rayag ni ga’ar ngak, “I gur e manaf rog nge yoror rog! I gur e Got rog; ni gur e bpagan’ug ngom.”

Psalms 94:3

Bu uw n’umngin nap’an ni ngi i felan’ e pi’in kireb? SOMOL, bu uw n’umngin nap’an?

Isaiah 26:3

I gur, SOMOL, e ngam pi’ e gapas nib manigil ngak e pi’in nib muduwgil lanin’rad ma gur e ma lagan’rad ngom.

Isaiah 28:16

Ba’aray e n’en ni be yog SOMOL ni Th’abi Tolang ni be ga’ar, “Nggu tay ba def ngalan yu Zion, ni ba def ni bay i par nib muduwgil ma ba gel. Bay gu tay ba malang nga fithik’ nib el ni ka ni yoloy e yu bugithin ni ba’aray ngay: ‘Michan’ nib muduwgil e ku ba gumaen’.’

Isaiah 37:10

nu Judah ni be ga’ar ngak, “Fare got nma mich u wun’um e yog ngom ni dab mmul ngalan pa’ag, machane dab mu pag nge ban nigem.

Isaiah 37:20

SOMOL, ni Got romad, mu aywegmad e chiney u pa’ yu Assyria, ya nge nang urngin e nam u fayleng ni kammus ni gur e Got.”

Isaiah 37:35

Bay gu yororiy e re binaw ney mu gu ayuweg, ni nggu rin’ ni bochan e nge gilbugwag minta’ fag nge bochan e thin ni gu micheg ngak e tapigpig rog i David.”

Isaiah 41:16

Bay mon’rad ngalang; me yib e nifeng i fekrad, me weregrad e nifeng nib gel. Ma aram e bay mu felfelan’ ni bochan e Gag e Got rom; bay mu pining e sorok ngog i Gag fare Got nu Israel ni gub thothup.

Isaiah 49:23

Ra par e pi pilung ni yad e ra pofed gur, ma pi le’engirad e bay ur tathuth niged gur ni bod rogon e chitiningiy. Bay ra parawgad u p’eowchem ngar ted fam; ma bay ra ted fam u fithik’ e sobut’an’. Ma aram e bay mu nang ni Gag e SOMOL; dariy be’ ni be son nageg ni nggu ayuweg nra m’ingan’.”

Jeremiah 17:18

Mu tamra’nag e pi’in yad be gafgow nageg, ma ga faleg riy nga bang, SOMOL. Mu suguyrad ko marus, machane dab mu k’ar marus ngog. Mu girengiy e riya’ nga puluwrad nga mu tet’arad ngar yoch yang gad.

Roma 10:11

Ya be ga’ar e babyor nib thothup, “En nra michan’ ngak Kristus e dabi kireban’.”

Roma 5:5

Re pagan’ ney e dabi m’ing lanin’dad riy, ya Got e ke pu’og e t’ufeg rok nga fithik’ i lanin’dad u daken fare Kan Nthothup, ni ir e tow’ath rok Got ngodad.

1 Peter 2:6

Ya babyor nib thothup e be ga’ar: “Kug mel’eg ba malang nri ba ga’ fan, ni ir e kug tay ni ir e re malang ni ba ga’ fan u Zion; ni en nra michan’ ngak e ri dabi kireban’.”