Psalms 25:10 - Bible Ni Thothup

¹⁰ Ma pow’iyrad i yan ni yad ba t’uf rok ma ba yul’yul’ ngorad, ni urngin e pi’in yad ma falwok ko motochiyel rok ma yad ma fol ko tin ni yog.

Psalms 25:10 Σταυροειδείς Αναφορές

Genesis 17:1

Nap’an ni mereb i ragay nge merab e duw yangren Abram, me yib i m’ug SOMOL ngak me ga’ar ngak, “I gag Got ni Gubin ma Rayag Rog. Mu par ni ga be fol rog u n’umngin nap’an e yafos rom ngam par ni dariy thibngim.

Genesis 24:27

ni ga’ar, “SOMOL, ke sorom, i gur fare Got rok e masta rog i Abraham, i gur e ri gab yul’yul’ ya kam tay nga tagil’ e tin mog ngak e masta rog ni bay mu rin’. I SOMOL e ke pow’iyeg nga tafen fare mo’on ni walagen e masta rog.”

Genesis 5:24

I par Enok ni be fol rok Got, ma aram mada kun guy ni bochan e ke fek Got.

2 Samuel 15:20

Dawori n’uw nap’an ni ka mub ngaray, ere mang ni ngam un ngog ngu’ud milgow i yan? Ya da gu nang e gin ni gu be sor ngay. Mu fek e girdi’ ko nam rom ngam sulod, ma SOMOL e ngi i gol ngom ma be yul’yul’ ngom.”

Psalms 138:7

Nap’an nra ingeg e oloboch, ma ga yoror rog. Ga ma gad pa’am ngak e pi to’ogor rog ni kar damumuwgad mag ayuwegneg rorad nga ngelngim.

Psalms 33:4

Thin rok SOMOL e ba riyul’, ma gubin e maruwel rok e ra pagan’uy ngay.

Psalms 40:11

SOMOL, gu manang ndabiyag ni ngam tal ni nge dab kum runguyeg! Gelngin nib t’uf e girdi’ rom nge fanam yul’yul’ e bay i yororiyeg ni gubin ngiyal’.

Psalms 50:23

Ogmagaer e ire re maligach nri ma tayfag, ma rib mich ni gu ra ayweg e pi’in yad ma fol rog.”

Psalms 57:3

Ra fulweg lungug u tharmiy me ayuwegneg; bayi mo’waernag e pi’in yad be gafgow nigeg. Got e ra dag ngog e t’ufeg rok ni dabi mus nge feni yul’yul’.

Psalms 85:10

T’ufeg nge yul’yul’ e yow ra mada’; mat’aw nge gapas e yow ra gamuchmuch nga ta’bang.

Psalms 89:14

Gagiyeg rom e ntoy nga daken e mat’aw nge yal’uw; t’ufeg nge yul’yul’ e be m’ug ko urngin e ngongol rom.

Psalms 91:14

Be ga’ar Got, “Bay gu ayuweg e pi’in gub t’uf rorad, mu gu yoror rok e pi’in yad manangeg.

Psalms 98:3

Ke tay u gil’ e tin ni micheg ko girdi’ nu Israel u fithik’ e yul’yul’ nge fare t’ufeg rok ngorad ni dabimus. Gubin e girdi’ u gubin yang ni ka ra guyed e gel nike tay e Got rodad.

Isaiah 25:1

SOMOL, I gur e Got rog; Bay ug liyor ngom mu gu mathangeluwolnag fithingam. Kam ngongliy bogi maang’ang; ri ga ba yul’yul’ u rogon ni ga be rin’ e pin’en ni ka mu tanomnag kakrom.

Isaiah 43:2

Ga ra yan u fithik’ e ran nib to’ar ma gu bay rom; gafgow ni bay i yib ngom e dabiyag ni nge gel ngom. Ga ra yan u fithik’ e nifiy ma dab mu gak’; ma pin’en nib mo’maw’ ni bay i yib ngom e dariy ban’en nra rin’ ngom.

Hosea 14:9

Pi’in yad ba gonop e mang e yugur nanged fan e pin’ey ni ka ni yoloy miyad tay nga lanin’rad. Pi kanawo’ rok SOMOL e bmat’aw, ma pi’in nib mat’aw e yad ma yan riy, ma pi’in tadenen e ma tun ayrad ngar dol’gad, ya darir folgad riy.

Zefaniah 2:3

Mu sulod ngak SOMOL, gimed gubin girdi’en fare binaw nib sobut’an’med, ni gimed ma fol ko tin ni yog. Mu rin’ed e tin bmat’aw, mi gimed sobut’ nagmed u p’eowchen SOMOL. Ma aram e sana gimed ra thay ko gechig ko fare rran ni nge dag SOMOL e damumuw rok.

John 1:14

Re Thin nem e yib i ngal’ nib girdi’ nge yib i par ngodad. Kad guyed fel’ngin nge feni gol nge feni yul’yul’. Ireray fel’ngin ni pi’ e Chitamngin ngak, ya kari maagirag rok.

John 1:17

I Got e pi’ fare Motochiyel rok ngodad u daken Moses; machane t’ufeg nge yul’yul’ e pi’ ngodad u daken Jesus Kristus.

Acts 10:35

En ni bay madgun Got u wan’ ma be rin’ e tin nib mat’aw e ra i par ni bfel’ u wan’ Got ndemturug ko be’ u kun nam.

Roma 2:13

Ya gathi ma mat’aw e girdi’ ngak Got ni bochan e kar rung’aged e re Motochiyel nem, machane fa’anra ur rin’ed e tin ni be yog e re Motochiyel nem.

Roma 8:28

Urngin e pi’in ke piningrad Got ko tin be leamnag ni pi’in nib t’uf Got rorad, e gadad manang nma ayuwegrad Got nge pingeg urngin ban’en nge fel’ ngorad.

Hebrews 12:14

Mu guyed rogon ngu’um pired nib aw e gapas u thilmed urngin e girdi’, mi gimed guy rogon nge par pangimed nib thothup, ya dariy be’ nrayag ni nge guy Somol ni fa’anra de thothup pangin.

James 5:11

Gadad be yog ni kar felan’gad ni bochan e ra k’adedan’rad. Kam rung’aged murung’agen e gumaen’ ni tay Job, ma gimed manang e tin ni pi’ Somol ngak Job ko tomur. Ya Somol e ri ma runguy ma ma taganan’ ngak e girdi’.