Psalms 24:4 - Bible Ni Thothup

⁴ Pi’in machalbog e ngongol rorad nge leam rorad, nda rir tedfan e pi liyos ara rmicheged ban’en miyad thilyeg.

Psalms 24:4 Σταυροειδείς Αναφορές

Genesis 6:5

Fa’ani guy SOMOL ni kari gel e kireb rok e girdi’ u gubin yang, ni gubin ngiyal’ ma ba sug lanin’rad ko tin nib kireb,

BABYOR NI JOB 17:9

Pi’in yad ma leamnag ni bfel’ e ngongol rorad e ka ra tared u wan’rad ni yad e ba sororad.

BABYOR NI JOB 9:30

Dariy bmit e sop nrayag ni nge chuweg e denen rog.

Psalms 143:8

Mu tay ngan’ug ni gubin e kakadbul e t’ufeg rom ni dabimus, ya kug tay e pagan’ rog ngom. Meybil rog e be yib ngom ngalang; mu dag ngog e kanawo’ ni nggu wan riy.

Psalms 15:4

Ma dubrad daken e pi’in ke n’agrad Got, machane yad ma tayfan e pi’in yad ma fol rok SOMOL. Ma gubin ngiyal’ ni yad ma rin’ e n’en kar micheged ni ngar rin’ed, ndemturug ko mang e ra yib riy ngorad.

Psalms 18:20

Ma tow’ath nigeg SOMOL ni bochan e gu ma rin’ e tin ni bfel’; mma fal’eg wa’athag ni bochan e bfel’ e rog.

Psalms 25:1

Gu be meybil ngom, i gur SOMOL;

Psalms 26:6

SOMOL, kug maluknag pa’ag ni nggu dag ni bfel’ e rog, gu be liyeg e altar rom ni gu be liyor ngom.

Psalms 51:10

A Got, mu sunumeg e tafinay nib machalbog u fithik’ag, ma ga pi’ reb e tafinay ngog nib be’ech ma ba yul’yul’.

Psalms 51:12

Mfulweg e felfelan’ ngog nma yib ko ayuw ni ga ma pi’, ma ga ayuweg lanin’ug ngi i fol rom.

Psalms 73:1

I Got e riyul’ nib gol ngak yu Israel, ni pi’in ni machalbog gumircha’rad!

Proverbs 20:9

Gur rayag rok be’ ni nge yog ni kari tamilang u lanyan’, ni kari machalbog ni dakuriy e denen rok?

Jeremiah 4:14

Jerusalem, mu luknag e kireb u gumircha’em, ya nge yag ni mu thap. Bu uw n’umngin nap’an ni ngu’um par ni ga be leamnag e tin kireb ban’en?

Jeremiah 5:2

Yug aram rogon ni gimed ma yog ni gimed ma tay fan SOMOL, ma gathi aram rogon u wan’med.

Ezekiel 18:15

Dar ma meybil ngak e pi liyos nma meybil piyu Israel ngay ara be un i kay ufin e gamanman ni ka ni pi’ ni maligach u altar rok yugu boch e got. Ma dabi ban nag le’engin be’ nge dabki yul’yul’ ngak figirngin,

Ezekiel 18:6

Dar ma meybil ko pi liyos ni be meybil piyu Israel ngay ara kay ufin e gamanman ni ka ni pi’ ni maligach u altar rok yugu boch e got. Dar ma bannag le’engin be’ nge dabki yul’yul’ ngak figirngin, ara ra pirew be’ ni bpin ko ngiyal’ nib pael.

Malaki 3:5

Be ga’ar SOMOL ni Gubin ma Rayag Rok, “Bay gub gu m’ug u fithik’med ni nggu pufthin, ma bay gu welthin nib togopluw ngak e pi’in yad ma pig, nge pi’in yad ma par e girdi’ ni gathi mabgol rorad, nge pi’in yad ma lifith l’ugunrad u tafen e puf oloboch, nge pi’in yad ma ban nag e pi’in yad be maruwel rorad ngu’ur pi’ed puluwrad ni buch’uw, nge pi’in yad ma gafgownag e pi’in ke yim’ figirngirad, nge pi’in kanim’ rorad, nge girdi’ nu bang, nge gubin e pi’in ndarir ted fag.”

Matthew 5:8

“Nge felan’ e pi’in nib machalbog lanin’rad, ya yad ra guy Got!

Acts 14:15

“Pi cha’, mang ni ngam rin’ed e biney e pa’? Ya gamow l’agruw i girdi’ ni gamow bod gimed! Kug bow ngaray ni nggu weliyew ngak e girdi’ fare Thin Ni Bfel’ ni murung’agen Jesus, ma gamow pingegmed ngam pi’ed keru’med ko tin ndariyfan ngambad ngak fare Got ni be par nib fos, ni ir e ngongliy e tharmiy, nge fayleng, nge day, nge urngin ban’en ni bay u fithik’ e pin’ey.

Acts 15:9

De taydad ni gadad ba thil rorad; ya n’ag fan e denen rorad ni fan e mich Jesus u wun’rad.

2 Korinth 7:1

Pi tafager rog ni gimed ba t’uf rog, urngin e pi thin ney e keyog Got nra rin’ ngodad! Ere ngad pithiged gadad u urngin ban’en nma alitnag e dowef nge lanin’uy, ma ngad gayed rogon ni ngad pired ni gadad ba thothup, ni aram e ngu’ud pired ni bay madgun Got u wun’dad.

Deuteronomy 4:19

Gimed ra sap ngalang ni mu guyed e pin’en nib sug riy, ni aram e yal’ nge pul nge t’uf, ma ngam guyed rogon nge dab mu ted fan ara mu meybilgad ngay. Ya SOMOL ni Got romed e ke pi’ e tiney ngak yugu boch e nam u gubin yang yad be tayfan,

1 Timothy 1:10

ma fan ngak e pi’in yad ma darngal, ma fan ngak e pumo’on nma darngalnag e pumo’on, nge pi’in yad ma iring e girdi’, ma fan ko pi’in yad ma lifith l’ugunrad ma yad ma pi’ e thin ni nge mang mich nde riyul’ ara rrin’ed ban’en nib togopluw ko bin nib riyul’ e machib.

1 Timothy 2:8

Gubin yang ni yira mu’ulung ngay ma gub adag ni pumo’on e nge meybil riy, ni pumo’on ni kar pi’ed yad nga pa’ Got mrayag ni ngar puged pa’rad ngalang ngar meybilgad ndarir damumuwgad ara yad be tugthin.

James 4:8

Mu chugurgad ngak Got, me chugur ngomed. Pi tadenen, mmalukniged pa’med! Gimed e pi’in ni gimed be dake moding niged gimed, mu klinniged lanin’med!

Revelation 21:27

Machane dariy ban’en nib kireb nra yan ngalan e re binaw nem, ara be’ nma ngongliy e tin yira tamra’ ngay ban’en ara ma lifith l’ugun. Ya kemus ni pi’in kan yoloy fithingrad ngalan e babyor rok fare Fak e Saf, ni babyoren e pi’in kar fosgad e yad ra yan ngalan e re binaw nem.