Psalms 22:25 - Bible Ni Thothup

²⁵ Ra sug e girdi’ ngalan tafen e mu’ulung ma gu ra pining e sorok ngom ko tin kam rin’; ma fithik’ e pi’in yad ma liyor ngom e bay gu pi’ e pi maligach riy ni bod rogon ni gu micheg.

Psalms 22:25 Σταυροειδείς Αναφορές

Psalms 111:1

Ngan pining e Sorok ngak SOMOL! U polo’ i gumircha’eg e nggu pining e magaer riy ngak SOMOL u lan e mu’ulung ko girdi’ rok.

Psalms 22:22

Bay gu weliy ngak e tirog e girdi’ e n’en kam rin’; bay gu pining e sorok ngom u lan e mu’ulung rorad:

Psalms 35:18

Ma aram e bay gu pining e magaer ngom u lane mu’ulung rok pi girdi’em; Bay gu pining e sorok ngom u p’eowcherad ni yad gubin.

Psalms 56:12

A Got, bay gu pi’ ngom e n’en ni kug micheg; bay gu pi’ ngom e maligach rog ni ogmagaer,

Psalms 65:1

A Got, girdi’ e thingar ur pininged e magaer ngom u Zion miyad pi’ ngom e tin rmicheged ni bay ra pi’ed ngom,

Psalms 66:13

Bay gu fek e maligach ni mo’oruf i yib ko naun rom; bay gu pi’ ngom e n’en kug micheg.

Psalms 66:16

Mired ngam motoyilgad, gimed urngin e pi’in gimed ma liyor ngak Got, ma bay gog ngomed e tin ke rin’ ni fan ngog.