Psalms 22:15 - Bible Ni Thothup

¹⁵ Ke mlik’ lan l’ugunag ni bod feni mlik’ e ab, ma bolowtheg e ke gabal ngalan e goy u l’ugnag kam pageg u fithik’ e fiyath ni ngum’.

Psalms 22:15 Σταυροειδείς Αναφορές

Genesis 18:27

Miki ga’ar Abraham, “SOMOL, wenig ngom, mu n’ag fan rog ni gu be welthin ngom ni ara’ rogon. I gag e kemus ni gub girdi’, dariy mat’awug ni nggog ban’en.

Genesis 3:19

Ya thangri yib e athuw u dakenam ma ga maruwel nib gel nge yog ni pi’ e but’ e ggan ngom, nge yan i mada’ ko ngiyal’ ni ngam sul ko but’ ni ir e ni ngongliyem ngay. Ni ngongliyem ko but’, ere bay kum ngal’ ni but’ bayay.”

2 Samuel 14:14

Gadad gubin ni go’ bay da m’ad; gadad bod e ran nike map’ nga daken e but’, ni dabkiyag i kunuy bayay. Mus ngak Got ma de faseg e pi’in karm’ad, machane en pilung e ra gonpiy rogon reb i kanawo’en me sul be’ ni pumo’on ni ba’ u bang ni bod ba kalbus.

BABYOR NI JOB 10:9

Kag manang ni mu sunumiyeg ko but’; ere ngkum masengseng nigeg ngkug sul ko ab?

BABYOR NI JOB 19:20

Kug par ni go’ yil nge biyach; be chugur ni nggum’.

BABYOR NI JOB 29:10

ni mus ko pi’in th’abi tolang ma ku yad ma thabgulungrad.

BABYOR NI JOB 30:16

Chiney e ngum’; ya dakriy e magif ko gafgow ni gu be tay.

BABYOR NI JOB 34:15

mra yim’ gubin e girdi’ nge sul ko ab bayay.

BABYOR NI JOB 7:21

Dakriy bi’id ni ga ra n’ag fan e denen rog? Dab ku mu na’g u wun’um e kireb rog? Dabki n’uw nap’an mu gu wan nga low rog, ma bay um sap nigeg ma ku gu thumur.

Psalms 104:29

Nap’an ni ga ra pi’ keru’um ngorad, miyad rus; ma nap’an ni ga ra chuweg e pogofan rom rorad, miyad yim’, miyad sul ko but’ ni ir e ra sumgad riy.

Psalms 30:9

“Mang e rayag ngom ko yam’ ni gu ra tay? Mang e ra fel’ ngom ni fa’an gu ra yan nga low? Gur rayag ni nge pining e pi’in karm’ad e sorok ngom? Rayag nra weliyed fanam gol ni dar ma yoyowol?

Psalms 38:10

Be ob gumircha’eg, ma kem’ay gelngig, ma tamilang u lan owcheg e dakriy.

Psalms 69:21

Ra gum’ ko bilig, ma yub e yad ra pi’ ngog; mra gum’ ko belel, miyad pi’ e mugnin ni nggu unum.

Psalms 69:3

Ke m’ay gelngig ma ke amith k’angag ko pong ni gu be tay ni man ayuw, ma ke amith lan owcheg i changarnag e ayuw rom.

Proverbs 17:22

Fa’anra ga ba felfelan’ ni ga ma par ma ba falay nga fithik’ i dowam. Kirkireban’ e ma mliknag e pi yil.

Isaiah 53:12

Mu gu pi’ ngak tagil’ ni ngu’un tay fan riy, ni bang u fithik’ e pi tagil’ ko girdi’ nib sorok ma ba gel gelngirad. Pi’ ir ngan li’ ngem’, min ta’reb rogonnag ngak e girdi’ nike th’ab e motochiyel. Me yan i fek luwan e pi tadenen ni pire’, me meybil ni nge n’ag Got fan e denen rorad.”

Lamentations 4:4

Yad ma digey pifakrad ni kab madway nge math e pogofan rorad ko blig nge balel; pi’in bitir e yad be yor nag e ggan ma dariy be’ nra pi’ ngorad.

Daniel 12:2

Ma pire’ e pi’in karm’ad ni bay ra fosgad ko yam’. Bochi yad e bay i par nib felfelan’ ndariy n’umngin nap’an, ma bochi yad e bay ur pired ndariy n’umngin nap’an ni yad be tamra’ ma dakuriy farad.

Matthew 27:50

Miki non Jesus bayay ni ba ga’ laman, me aw e fan rok.

John 19:28

Ma kenang Jesus e re ngiyal’nem nike lebguy urngin ban’en; ma fan e nge yib i m’ug nib riyul’ e tin nike yog e babyor nib thothup ma aram me ga’ar, “Ke yib e belel ngog.”

1 Korinth 15:3

Kug pi’ ngomed e tin ni yag ngog ni ir e ba th’abi ga’ fan, ni aram e Kristus e yim’ ni bochan e denen rodad, ni bod rogon ni bay ni kan yoloy u lan e babyor nib thothup;