Psalms 20:4 - Bible Ni Thothup

⁴ Mang e yigi pi’ ngom e n’en ni fiti lanin’um me tay gubin e tin kam tanomnag nga tagil’.

Psalms 20:4 Σταυροειδείς Αναφορές

2 Samuel 24:23

Me pi’ Araunah fa pin’en ni urngin ngak fare pilung me ga’ar ngak, “Mang e yigi fel’ e maligach rom u wan’ SOMOL ni Got rom.”

2 Kronicles 9:12

Solomon ni Pilung e pi’ ngak fare Queen nu Sheba urngin e tin ni ning. Tiney ni pi’ ngak fare pin e ki peth ko tin ni pi’ ngak ni pulwon e tow’ath rok ni pi’ fare bpin ngak. Ma aram me sul fare bpin nge pi’in nra uned ngak ko nam nu Sheba.

Psalms 145:19

Pi’in bay madgun u wun’rad e ma pi’ ngorad e tin nge yag ngorad; ma rung’ag e tin yad ma wenignag ngak me ayuwegrad.

Psalms 21:2

Gur e kam pi’ ngak fiti laniyan’; kam pi’ ngak e n’en ni i ning.

Psalms 37:4

Mu gay e felfelan’ rom rok SOMOL, me pi’ ngom e tin ir e kari t’uf rom.

Proverbs 11:23

N’en ni ba’adag e girdi’ ni bfel’ e gubin ngiyal’ ma fel’ e ra yib riy; ma nap’an nrayag ngak e pi’in kireb e n’en ni yad be finey, ma gubin e girdi’ nra damumuw.

Matthew 21:22

Fa’anra bmich Got u wun’med ma demturug e n’en ni gimed ra ning ngak ko meybil romed mrayag ngomed.”

John 11:42

Gu manang ni gubin ngiyal’ ni ga ma rung’ag lungug, machane kugog e re bugithin ney ni bochan e pi girdi’ ney ni yad bay u roy, ni fan e nge mich u wun’rad ni gur e ka mol’oegeg ku gub.”

John 16:23

“Ra taw ko chirofen nem ma dakuriy ban’en ni bay mfithed ngog. Nggog e tin riyul’ ngomed: tin ni gimed ra ning ngak e en ni Chitamangiy u fithingag e ra pi’ ngomed.

Judges 13:23

Me ga’ar le’engin ngak, “Fa’an mang e finey SOMOL ni nge li’dow ngadm’ow, ma dabi fel’ u wan’ e tin kadpi’ew ni maligach; ma dabi dag ngodow urngin e pin’ey, ara weliy ngodow e tin ke weliy e ngiyal’ney.”

1 Samuel 26:19

Gur pilung, mmotoyil ko n’en ni nggog. Fa’anra SOMOL e ke pingegem kam togopluw ngog, mab maligach e yira pi’ ngak me thilyeg e leam rok; machane fa’anra ngongol rok boch e girdi’, me ere mang e yigi aw e buch wa’athan rok SOMOL nga dakenrad. Ni bochan e kar tulufedgag nga wuru’ e nam rok SOMOL kug wan ngab nam ni kemus ni yi go’ bogi got rok yug reb e nam e be yag ni gu tayfan.