Psalms 18:19 - Bible Ni Thothup

¹⁹ Me ayuwegneg ngug chuw u fithik’ e riya’; i ayuwegneg ni bochan e ba felan’ ngog.

Psalms 18:19 Σταυροειδείς Αναφορές

1 Kings 10:9

Ke sorok SOMOL ni Got rom! Ya ke dag ni ga be par ni gab fel’ u wan’ ya ke tem ni gur e pilung nu Israel. Bochan e be par nrib t’uf yu Israel rok ndariy n’umngin nap’an, ma ke pilung nigem ni ngu’um gagiyeg nib yal’uw ma bfel’ ngak e girdi’.”

BABYOR NI JOB 36:16

Ke chuwegem Got u fithik’ e mom’aw, me tem ni ngam par ni dariy ban’en nra buch rom; me suguy daken e tebel rom ngalang ko ggan.

Psalms 118:5

U fithik’ e ngochngochan’ rog mu gu pining SOMOL, me fulweg lungug nge chuwegeg u fithik’.

Psalms 18:36

Ka mu ayuwegneg ni de yag nni koleg, ma dawor gu dol’ bingyal’.

Psalms 31:8

Ma dawor mu pi’eg nga pa’ e pi to’ogor rog; kam pi’ matwog ni nggu waen ko gin gu be finey.

Psalms 37:23

I SOMOL e ma pow’iy be’ ngi i yan ko kanawo’ ni nge yan riy, ma be yororiy e en ni bfel’ u wan’.

Psalms 40:2

Me girngiyeg ngalang nggu chuw u lan ba low u thathren e riya’, nib low u fithik’ e rungdu’! Nge teg nga daken ba war nggu par ndabki buch ban’en rog.