Psalms 16:4 - Bible Ni Thothup

⁴ Pi’in ka ra milgad ngak yugu boch e kan, e bo’or e gafgow ni ka ra girngiyed nga dakenrad. Dab gu un ngorad i pi’ e maligach, ma dab gu tayfan e pi got rorad.

Psalms 16:4 Σταυροειδείς Αναφορές

Genesis 35:14

Mu rom, ko gin ni non Got riy ngak, e suweg Jakob reb e malang riy nib puguran me thothupnag ni pu’og e wayin nge gapgep ni olive nga daken.

Psalms 32:10

Pi’in kireb e ri yad ra gafgow, ma pi’in nib pagan’rad ngak SOMOL e be yororiyrad ko t’ufeg rok ni dabimus.

Psalms 97:7

Ra tamra’ urngin e pi’in yad ma tayfan e pi liyos; gubin e got ni yad ra siro’ u p’eowchen SOMOL.

Exodus 23:13

“Mmotoyilgad nga urngin ban’en ni Gag SOMOL e gog ngomed. Dab mmeybilgad ngak yugu boch e got; mus nga fithingrad ndabi un u l’ugunmed.

Isaiah 57:6

Gimed be fek e malang nib sapachpach downgin u lan e yochpa’ i lul’ ngu’um ted fan ni aram e pi got romed. Ma gimed ma pu’og e wayin mi gimed be pi e grain ni maligach romed ngorad. Gimed be leamnag ma bm’ag u wun’ug urngin e pinn’ir?

Isaiah 65:11

“Machane rib thil ngomed e pi’in kam pi’ed keru’med ngog, ni kam feked yathin yu Zion, ni fare burey rog nib thothup, gimed be meybil ngak Gad nge Meni, ni fagal got ko wol nge wa’athey.

Isaiah 66:3

“Girdi’ e yad ma rin’ e n’en ni yad ba’adag. Ta’ab rogon u wan’rad ni yad gubin ko kar li’ed ba garbaw ni maligach ara kar maligachgad nga ba girdi’; ara ba saf e rmaligachgad ngay ara ba pilis e kar t’ared k’angan; ara ra pi’ed e grain ara racha’en e babiy; ara ra pi’ed e incense ara rmaybilgad ko liyos. Yad ma felfelan’ u rogon e pi tayfan ney ni yad ma rin’ nrib sonogor.

Jeremiah 7:18

Pi’in ni bitir e yad be kunuy e l’ud, me k’oreg e pumo’on e nifiy, me aruy e ppin e flowa ni ngar lithed ni fan ngak fare got ni bpin nike lungurad e ir e Queen nu tharmiy. Ma ku yad be pi’ e garbod ni maligach ngak yugu boch e got, ni fan e nge kireban’ug.

Levitikus 23:13

Mi gimed chagiy aningeg e pawn e flour ngay ni kan athkuy e gapgep ko olive ngay nge mang ggan ni maligach. Bon e re maligach ney e ba m’aguwan’ SOMOL. Ma ngkum uneged reb e quart e wayin ngay ngam pi’ed ni maligach.

Jonah 2:8

Pi’in yad be toer ngak fapi liyos ndabiyag ni ngar ayuwegned be’ e kar paged gur ni dakurir yul’yul’gad ngom.

Joshua 23:7

ma aram e dab um ma’thukgad nga girdi’en e pi nam ney ni yad be par u fithik’med ara un fithingan e pi got rorad u l’ugunmed ara mu micheged ban’en u fithingan e pi got rorad ara mu ted farad ara mu siro’gad ngorad.