Psalms 145:6 - Bible Ni Thothup

⁶ Ma girdi’ e bay ur weliyed e pin’en nib sorom ni kam ngongliy, ma bay ug weliy rogon feni sorom ngan nang.

Psalms 145:6 Σταυροειδείς Αναφορές

1 Kronicles 29:11

Ba gil bugwam ma ga ba gel, mab sorom, ma dariy thibngim ma gil’ilungum e ba polo’ u fayleng. Gubin ban’en nu tharmiy ngu fayleng ni go’ tirom, me gur e pilung, tagagiyeg ni th’abi tolang u gubin e gagiyeg.

Ezra 1:2

“Ba’aray e thin ni yog Cyrus ni Emperor nu Persia. I SOMOL, ni ir fare Got nu tharmiy, e ke teg ni gag e pilung ko fayleng ni ga’ngin, ma ke pi’ e maruwel rog ni ngug toy ba tempel ni fan ngak u Jerusalem ni bay u lan e nug nu Judah.

Psalms 113:3

Ngan pining e sorok nga fithingan SOMOL ni mus ko ngek nge mada’ ko ngal!

Psalms 22:27

Gubin e nam ni bay ra leam niged SOMOL. Gubin yang u roy u fayleng ni bay ra sulod ngak; gubin e girdi’ nu fayleng ni bay ra liyorgad ngak.

Psalms 22:31

Ma pi’in ndawor ni gargelegrad e bay nog ngorad ni ngan ga’ar: “I SOMOL e ke ayuweg e girdi’ rok.”

Psalms 66:3

Mu ga’ar gad ngak Got, “Rib thum’ feni manigil e pin’en ni ga ma rin’! Gelngim e rib ga’, pi to’ogor rom e yad be siro’ u fithik’ e marus u p’eowchem.

Jeremiah 50:28

Girdi’ ni kar milgad u Babylon karbad nga Jerusalem, yad be weliy rogon SOMOL ni Got rodad e ke falbiyen e tin ke rin’ yu Babylon ko Tempel rok.)

Habakkuk 2:14

Bayi sug e fayleng ko tamilangan’ ni bay nnang felngin nge maluplup’en SOMOL ni bod feni sug e regur ko day.

Deuteronomy 32:3

Bay ug pining e sorok nga fithingan SOMOL, ma girdi’ rok e bay ur weliyed feni sorok.