Psalms 140:5 - Bible Ni Thothup

⁵ Girdi’ nib tolangan’rad e kar fal’aged ba tafich ni fan ngog; kar ted e wup rorad, ma to’oben e wo’ kar ted e pi tafich ngay ni ngar koledgag.

Psalms 140:5 Σταυροειδείς Αναφορές

BABYOR NI JOB 18:9

me mit ay ko wup ni daki thay.

Psalms 119:110

Girdi’ nib kireb e kar ted e wup ni nggu aw ngay, machane dawor gu pi’ keru’ug ko tin ni kamog ni ngan rin’.

Psalms 119:69

Pi’in tolngan’ e yad be ban u murung’ageg machane gu be fol ko fanow rom u polo’ i lanin’ug.

Psalms 119:85

Pi’in tolngan’, ni darir folgad ko motochiyel rom, e kar fu’oged e low ni nggu mul nga langgin.

Psalms 142:3

Nap’an nra yan ni nge mulan’ug, ma manang e tin nthingar gu rin’. U lan e kanawo’ ni gin gu be yan riy, e ke pacheg e pi to’ogor rog ba wup ni nggu aw ngay.

Psalms 31:4

Mu teg u oren ko fare wup’ ni kan tay ni nggu aw ngay; mu rungrunguyeg ko riya’.

Psalms 35:7

Dariy tapgin ni karted e wup ni nggu aw ngay ma kar kired ba low nib to’ar ni nggu mul ngay.

Psalms 36:11

Dab mu pag e pi’in tolangan’rad ngar oggad ngog, ara pi’in kireb ngar tulufedgag.

Psalms 43:1

Got, mu gagiyeg ngan nang ndawor gu bucheg ban’en, ma ga ayuwegneg u pa’ e pi’in nde mich Got u wun’rad; mu ayuwegneg rok e girdi’ ni yad ma lifith l’ugunrad ma yad ba kireb!

Psalms 57:6

Ke pag e pi to’ogor rog bangi nug ni nggu aw ngay; kari paraw lanin’ug. Ka ra kired ba low u lane kanawo’ rog, machane yad e kar mulgad nga langgin.

Proverbs 24:15

Dab mbod be’ nib kireb nma guy rogon ni nge mro’ro’ ko girdi’ ni yul’yul’ ara fek e tabnaw rorad u pa’rad.

Proverbs 29:5

Fa’anra ga be pi’ e pi tafger rom ngalang ko thin, ma ga be ngongliy e wup nib sor ngom.

Jeremiah 18:18

Ma aram me ga’ar e girdi’, “Marod ngad rin’ed ban’en ngak Jeremiah! Ya gubin ngiyal’ ni bay e pi prist ni yad ra fonow niged gadad, nge girdi’ nib gonop ni yad ra pow’iydad, nge pi profet ni yad ra weliy e thin rok Got ngodad. Ngad olobochgad ngak ma dab ku da motoyilgad ko tin be yog.”

Jeremiah 18:20

Gur tin nib kireb e puluwon e tin ni bfel’? Ya ka ra kered ba low ni nggu mul nga langgin. Mu tafinaynag rogon ni gub ngom nggu welthin ngom ni gu be wenig nagrad, ni nge dab mu gechig nagrad u fithik’ e damumuw rom.

Jeremiah 18:22

Mu pi’ ba ulung i girdi’ ni kireb ngorad nga yugur gin gad ma kan giliw nagrad; mu gagiyeg nagrad ngar yorgad ni ka ra paged lamrad ngalang ni bochan e marus. Kar kered ba low ni nggu mul nga langgin, ma ka ra ngongliyed e wup ni nggu aw ngay.