Psalms 140:11 - Bible Ni Thothup

¹¹ Mang e yigi dabi fel’ e tin be leamnag e pi’in yad ma t’ar e thin nga daken e girdi’; mang e yigi buch wa’athan e girdi’ nib ma’ngach ko cham nge math owcharad.

Psalms 140:11 Σταυροειδείς Αναφορές

Psalms 34:21

Kireb e ir e ra thang e fan rok e pi’in kireb e leam rorad; pi’in yad be fanenikay e pi’in nib mat’aw e bay ni gechig nagrad.

Psalms 9:16

Ke gagiyegnag SOMOL kannang ko ir mini’ u daken e pufthin rok nib mat’aw; ma pi’in kireb e ke tafchiyrad e ngongol rorad.

Proverbs 12:13

Pi’in kireb e yad be aw ko thin rorad, ma girdi’ ni yul’yul’ e yad ma pithigedyad ko oloboch.

Proverbs 13:21

Oloboch e ma lek e pi tadenen u gubin yang, machane girdi’ nib mat’aw e ra fel’ wa’athrad ko tin ni bfel’ ban’en.

Proverbs 17:20

En ni ba kireb e leam nge thin rok e nge nang uwan’ ni dabi pir’eg ban’en ni bfel’ — kemus ni go’ kireb e ra i mada’eg.

Proverbs 18:21

Tin ga ra yog e rayag ni ayweg e yafos fa reb e ra thang; ere thangri fel’ u wun’um wenigan e pi thin rom.

Isaiah 3:11

Machane girdi’ nib kireb e gafgow yad; ya tin ur bucheged rok boch e girdi’ e nge buch rorad e chiney.