Psalms 14:5 - Bible Ni Thothup

⁵ Machane bay ra m’ad ko marus, ya Got e be par rok e pi’in yad be folwok rok.

Psalms 14:5 Σταυροειδείς Αναφορές

Ester 8:7

Ma aram me ga’ar Xerxes ni Pilung ngak Ester ni Queen nge ngak Mordekai nib Jew, “A musapgow, kugog kan uchuluy Haman ke yim’ ni bochan e makath rok nib togopluw ngak e pi Jew, ma kug pi’ tafen ngak Ester.

Psalms 112:2

Pifak be’ ni pumo’on ni bfel’ e yad ra gel u lan fare nam; mra fel’ wa’athan e pi’in owchen.

Psalms 22:30

pi mfen ni bay rabad e bay ra pigpiggad ngak; girdi’ e bay ra weliyed murung’agen SOMOL ngak e tin bay yib e mfen.

Psalms 24:6

Aram e pi girdi’ nra yib ngak Got, ni yad ra yib nga p’eowchen e Got rok Jakob.

Psalms 46:11

SOMOL ni Gubin ma Rayag Rok e bay rodad; fare Got rok Jakob e ir e yoror rodad!

Psalms 46:5

Got e be par u lan e re binaw nem, ndabiyag ni ngan kirebnag; ra yib i ayuweg e re binaw nem nnap’an ni fini be puf e woch.

Psalms 46:7

I SOMOL ni Gubin ma Rayag Rok e bay rodad; fare Got rok Jakob e ir e yoror rodad!

Psalms 53:5

Machane aram e bayib e marus ngorad nib gel, ndawor rrusgad bayay ni aram gelngin, ya bayi wereg Got yilen e pi to’ogor ko girdi’ rok. I Got e ke n’agrad, ma aram e yu Israel e ri bay ra gelgad ngorad.

Psalms 73:15

Fa’an mang e gog e tinir e thin, ma dab gu ngongol ni bod reb e girdi’ rom.

Exodus 15:16

Marus nge magar e mul nga dakenrad; bochan feni gel gelngin pa’am miyad duwgil u luwrad ni gowa ba malang, nge mada’ ko ngiyal’ nike yib e girdi’ rom kar thumurgad a SOMOL, ni fapi girdi’ ni kam pithigrad ko sib ni ur ted.

Proverbs 28:1

Pi’in kireb e yad ma mil ko ngiyal’ ndariy be’ ni be lol’oegrad, ma be’ nib mat’aw e bod feni m’uthan ba layon.

Isaiah 12:6

Urngin e girdi’ nma par u Zion e nge tolul ngalang me tang! Got nib thothup rok piyu Israel e ba sorok, mma par u fithik’ e girdi’ rok.”

Isaiah 41:10

Dab mu tamdag, ya gu bay rom. I Gag e Got rom, dariy ban’en ni nga mu rus ngay. Bay gu gel nigem mu gu ayuwegnem; bay gu yoror rom mu gu ayuwegnem nga pa’ag nib gel.

Isaiah 8:10

Mu tanom niged rogon ni ngam gelgad, machane dabi fel’. Mu feked gubin e tin gimed ba’adag! Machane rib m’ayfan, ya Got e bay romad.

Matthew 1:23

“Fare pin ndawori nang e pumo’on e bayi diyen nge gargeleg bochi pagel, ma bay ni pining Immanuel ngak” (ni fan e re ngachal nem e, “Bay Got rodad”).

1 Peter 2:9

Machane gimed girdi’en fare nam nike mel’egmed Got, ni gimed e pi prist rok e en ni Pilung, ma gimed fare nam ni gimed ba thothup, ni gimed girdi’en Got, ni mel’egmed Got ni ngam wereged murung’agen e n’en nrib fel’ nike ngongliy Got, ni ir e piningmed u fithik’ e lumor ngambad nga fithik’ e tamilang rok nrib fel’.

1 Samuel 14:15

Ma urngin e pi Filistine ni yad bay u rom ni yib e marus ngorad; ma pi’in yad ma yan nga mit e mael nge pi salthaw ni yad bay ko gin be par e pi salthaw riy e ur t’on gad ko marus; me yib e durru’, mri gel boch e marus rorad.