Psalms 14:1 - Bible Ni Thothup

¹ Pi’in balyang e ma lungurad u lanin’rad, “Dariy e Got!” Yad gubin nrib gel e kireb rorad, ka ra ngongliyed bogi ban’en nrib gel e kireb riy; dariy ta’abe’ ni be rin’ e tin bfel’.

Psalms 14:1 Σταυροειδείς Αναφορές

Genesis 6:5

Fa’ani guy SOMOL ni kari gel e kireb rok e girdi’ u gubin yang, ni gubin ngiyal’ ma ba sug lanin’rad ko tin nib kireb,

BABYOR NI JOB 15:16

Gadad e gadad ma unum e kireb ni gowa ran; errogon, gadad ba kireb; dariy ban’en ni gadad bfel’ ngay.

BABYOR NI JOB 22:13

Ma ga be fith e chiney ni be lungun, “Ba mang e manang Got? Ke rungrung e manileng ngak — ere bu uw rogon ni nge pufthin nagdad?”

Psalms 10:4

Pi’in kireb e dariy fan SOMOL u wan’rad; mu fithik’ e tolngan’ rorad e yad ma leamnag ni dariy rogon Got.

Psalms 107:17

Boch i yad e i m’ar ni bochan e denen ni ur ngongliyed, mu’ur gafgowgad ni bochan e kireb rorad;

Psalms 53:1

Pi’in yad bbalyang e ma lungurad u lanin’rad, “Dariy e Got.” Yad gubin ni kar kirebgad, yad be rin’ bogi ban’en nrib gel e kireb riy; dakuriy ta’bagayad ni be rin’ e tin ni bfel’.

Psalms 73:3

ni bochan e awan’ug ngak e pi’in yad ba tolngan’ nap’an ni gguy ni pi’in kireb e bo’or ban’en rorad.

Psalms 92:6

Irera’ ban’en ni dabi nang be’ nib balyang; be’ nib minan’ e dabi nangfan:

Proverbs 1:22

“Gimed e girdi’ ni balyang! Uw n’umngin nap’an ni gimed ba’adag ni ngam pired ni ara’ rogomed? Uw n’umngin nap’an ni ngam pired ni gimed be moningnag e gonop nge llowan’? Mingiyal’ e finra mit ban’en ngomed?

Proverbs 1:7

Ra nge tamilangan’um, ma som’on e thangri yib madgun SOMOL u lanin’um. Girdi’ ni balyang e dariy fan e gonop u wun’rad, ma daburad ni ngar folgad ko fonow.

Proverbs 13:19

Uw feni fel’ ni nge yag ngom e tin ga ba’adag! Girdi’ ni pinat e daburad ni ngar pi’ed keru’rad ko kireb.

Proverbs 27:22

Fa’anra mu pirdi’iy be’ nib balyang nge chugur ni nge yim’, ma dabyag ni ngam pirdi’iy e balyang rok nge chuw rok.

Eklesiastes 7:20

Dariy be’ u fayleng ni go’ tin nib mat’aw e ngongliy ni gubin ngiyal’ ma der ma oloboch.

Isaiah 1:4

Ka mu riya’gad, gimed girdi’en ba nam ni gimed ba sug ko denen ma kam mak’gad nga but’ ko kireb! Ka mu n’iged SOMOL, ni ir fare Got nib thothup nu Israel, ma kam pi’ed keru’med ngak.

Jeremiah 5:12

Girdi’ rok SOMOL e ka ra siyegned kar ga’argad, “Gathi ra rin’ ban’en. Dariy ba magawon nra yib ngodad; dabib e mael fa uyngol ngodad.”

Jeremiah 6:28

Yad gubin ni yad bogi gel laniyan’ ma yad be togopluw; yad ma yan ni yad ma dugdug thin. Ba gel lanin’rad ni bod e wasey ni bronze nge iron; yad gubin ni ka ra kirebgad.

Matthew 12:34

Gimed e pi porchoyog nir — ra di’in mi gimed yog e tin ni bfel’ ban’en ni fa’anra gimed ba kireb? Ya l’uguney e ma weliy e n’en nike sugnag lanin’uy.

Matthew 15:19

Ya laniyan’ be’ e ma yib e leam nib kireb riy ni ir e ma pingeg fa’anem nge li’ be’ ngem’, fa ra pirew be’ ni gathi mabgol rok, ma be rin’ yugu boch ban’en ni aram e ngongol ko darngal; me moro’ro’ u fithik’ e yargel, me lifith l’ugun, me t’ar e thin nga daken e girdi’.

Luke 12:20

Machane me ga’ar Got ngak, Ri gab balyang! Neap’ ney e ra aw e fan rom; me mini’ e bayi fek urngin e pin’ey ni kam tay ni fan ngom?”

Efesus 2:12

Re ngiyal’ i n’em e um pired nda mmoyed rok Kristus. Um moyed ni gimed e girdi’ nu bang, ma da mu uned nga fithik’ e girdi’ nike mel’eg Got ni nge mang girdi’ rok. Ma da mu uned ko fapi m’ag ni pi’ Got ngak girdi’en ni bay rogon ko tin ni yog Got ni bayi pi’ ngak e pi’in girdi’en. Um pired u roy u fayleng ndariy ban’en nike l’agan’med ngay ma de moy Got romed!

Titus 1:16

Yad be yog ni yad manang Got, machane be m’ug u pangirad ndar nanged Got. Ma dabuy pangirad ma darir folgad, ma dabiyag ni ngar ngongliyed ban’en ni bfel’.

Titus 3:3

Ya ku errogon gadad ni ud moyed ba ngiyal’ ni ud balyanggad, ma da ud folgad, ma gadad ba oloboch. Ma ud moyed ni gadad e sib rok e ar’ar nge gubin mit e tin ni yi ba’adag nde mat’aw u mit Got. Ma ud pired ni gadad be leamnag e kireb ngak e girdi’ ma be awan’dad ngak boch e girdi’; ma be fanenikaydad boch e girdi’ ma gadad be fanenikayrad.

Revelation 21:8

Machane pi’in nra paged gag ni bochan e yad be rus, nge pi’in nda ur yul’yul’gad ngog, nge pi’in ur puwlaggad, nge pi’in nra thanged e pogofan, nge pi’in ni ur ngongliyed e ngongol ko darngal, nge pi’in ur piggad nge pi’in ni ur ted fan e liyos ma yad be meybil ngay, nge urngin e pi’in ur lifithed l’ugunrad e tagil’rad e fare lipath i nifiy ni be daramram ko sulfur, ni aram e bin l’agruw yay e yam’.”

1 Samuel 25:25

Wenig ngom, dab mu telim ngak Nabal, ya ir e dariy ban’en ni bfel’ ngay! I ir e ri de thilthil nge fan fithingan — ni balyang! Siro’, da ugmoy u rom ko ngiyal’ ni taw e pi tapigpig rom.