Psalms 137:5 - Bible Ni Thothup

⁵ Jerusalem, fa’anra gu pag talim, ma mang e yigi yan i aw ndabkiyag ni gu chubeg e harp bayay!

Psalms 137:5 Σταυροειδείς Αναφορές

Psalms 84:10

Ta’reb e rran ni yira par u Tempel rom ma kabfel’ nga bbiyu’ e rran nni par u bang; kug ba’adag ni nggu sak’iy u langan e garog ko naun rok e Got rog ko bin ni nggu par u tafen e girdi’ ni kireb.

Isaiah 62:1

Bay gu welthin ni nggu pi’ e athamgil nga Jerusalem; dab gu th’ab gulngag nge mada’ ko ngiyal nike thap, ma gel nike tay e ra gal ra’en ni bod ba mol’ nnep’.

Jeremiah 51:50

I SOMOL e be ga’ar ko girdi’ rok u lan yu Babylon: “Kam thaygad ko yam’! Ngam marod e chiney ni dab mu son gad! Yug aram rogon ni gimed ra palog nga orel, ma dab mu paged talin ni Gag e SOMOL romed, mi i par yu Jerusalem u lanin’med.

Zekariah 11:17

Re tagafal saf nem ndariy rogon ngabang e ke riya’! Ken’ag fa ran’ i saf rok. Mael e bayi thirif gelngin u but’. Bayi yaf pa’ me ma’ew e ba’ ni mat’aw i lanmit.”