Psalms 132:9 - Bible Ni Thothup

⁹ Manga yigi par e pi prist rom ni gubin ngiyal’ ni yad be rin’ e n’en ni bfel; manga yigi garusnag e tirom e girdi’ e felfelan’!

Psalms 132:9 Σταυροειδείς Αναφορές

2 Kronicles 6:41

SOMOL ni Got, mu sak’iy e chiney, ngam un ko fare Kahol ko M’ag, ni aram e pow u gelngim ngam man ngalan e Tempel ngam par u roy ndariy n’umngin nap’an. Mu fal’eg wa’athan e pi prist rom ko gubin e tin yad be rin’, mang e yigi felfelan’ gubin e girdi’ rom ni bochan e ri gab manigil ngorad.

BABYOR NI JOB 29:14

Urngin ngiyal’ ma gu ma ngongol nib mat’aw ma dagur lanyan’.

Psalms 104:1

Lanin’ug, mpining e sorok ngak SOMOL! A SOMOL ni Got rog, rib sorom! Fanam rir nge fanam maluplup’ e kemang mad rom;

Psalms 132:16

Bay gu fal’eg wa’athan e pi prist riy ko urngin ban’en ni yad be rin’, ma tirok e girdi’ riy e bay u ra tanggad ma yad be tolul ko felfelan’!

Psalms 149:5

Nge felfelan’ e girdi’ rok Got ko gel ni karted miyad tang u fithik’ e felfelan’ ni n’umngin e nep’.

Psalms 47:1

Girdi’en urngin e nam, mu waywaygad ko felfelan’! Mu pininged e magaer nge sorok ngak Got u fithik’ e tang ni ba ga’ lammed!

Psalms 68:3

Machane pi’in bmat’aw e ba felan’rad ni yad be felfelan’ u p’eowchen Got; yad be tolulnag e felfelan’.

Psalms 70:4

Mang e yigi felan’ me uf e pi’in yad be yib ngom, ngar pired nri yad ba felfelan’! Mang e yigi fel’ u wan’ gubin e girdi’ ni ka mu mat’aw nagrad ngom nge gubin ngiyal’ ni nge lungurad, “Ngu’un mathangeluwolnag Got!”

Psalms 93:1

I SOMOL e ir e pilung! Ke yin’ nga daken ni bod e mad feni sorok nge feni gel gelngin. Ke tay e fayleng nga tagil’ be par nib mudugil ndabiyag ni ngan mithmitheg.

Isaiah 61:10

Jerusalem e be felfelan’ ni bochan e n’en ke rin SOMOL. Ir e bod be’ ni bpin nike chuw nga madan e m’agpa’. Rogon nike yib Got i ayuweg ke mat’awnag ngak e bod ba mad nike yin’ Got nga daken e re pin nem!

Isaiah 65:14

Bay ur tang niged e felfelan’, machane bay um yorgad ni kari mo’och’och lanin’med.

Zefaniah 3:14

Gimed e girdi’ nu Israel, mu tanggad mi gimed garusnag e felfelan’! Gimed yu Jerusalem, mu felfelan’ gad u polo’ i lanin’med!

Zekariah 9:9

Gimed e girdi’ nu Zion, mfelfelan’gad, mfelfelan’gad! Gimed e girdi’ nu Jerusalem, mu garus niged e felfelan’! Mu sapgad, pilung romed e be yib ngomed! Be yib nib felfelan’ ya ma gel ko pi to’ogor rok, machane ba sobut’an’, ma ke yib nike af nga daken ba dongki, ke af nga daken ba fak e dongki.

Roma 13:14

Machane ngam feked talin e cham rok Somol Jesus Kristus, mi gimed tal ndab ku um rin’ed e tin nib kireb ni be ar’arnag e dowef romed.

1 Peter 5:5

Ma ku er rogomed e pi’in pagel nthingar mu folgad rok e pi’in pumo’on ni pi’ilal. Ma gimed gubin nthingar mon’ed madan e sobut’ laniyan’ nge bigimed me pigpig ngak bigimed; ya babyor nib thothup e be ga’ar, “I Got e ma togopluw ngak e pi’in nib tolangan’rad, mma ayuweg e pi’in nib sobut’an’rad.”

Revelation 19:8

Ya ka ni pi’ mat’awun ni nge yin’ e mad nib be’ech ma ba wechwech ni be galgal ram’en.” (Mad nib wechwech e ireram e ngongol nib mat’aw ni i rin’ e pi’in ni girdi’en Got.)

Judges 5:31

SOMOL, mange yigi yim’ urngin e pi to’ogor rom ni aram rogon, machane pi’in gab t’uf rorad e nge gal rama’erad ni bod e yal’ ni be yib ngalang! Ma aram me yib e gapas nga daken e nam ni aningeg i ragag e duw.